PACHTCONTRACT MARIS 1639

Pachtcontract Maris 1639
+
Anno 1639

Den 4 february hebben die matersse ende procuratersse in
name der semptelicke Conventualen inde Wey binnen Venloe utgegeven
ten halffscheyt oeren hoff groot Maris inden kerspel van helden gelegen
ten halven te bouwen aen Lenart van Loen ende Itgen Joesten sijn
huysvrouwe ses iaer ter halver tijt opte seggen ter beyder sieden dies niet
en gelieft ende nastcomenden passchen aengaende inmanieren ende
voerwaerden hier volgende.
Inden eersten sal den halffman den hooff ende lenderie in bouw ende mestinge
wel onderhalden, ende het landt dat nu ledich ligt mit de nieue erve
soe veel als het gescieden kan allenskens boubaer maken ende den saet
sal ten beiden sieden half ende half gedaen werden, ende oock al wat daer
op den hooff wascht, niet wtgesondert, sal half ende half sien ende gaen.
Item perden, koeyen, schapen ten halven sien ende geen vercocht moghen
woerden dan met believen van tconvent, ende off daer meer dan een beest
te vercoepen viel sal den halfman die setten tegen den anderen ende de
susteren sullen kiesen. Ende sal soe veele calveren opvoeden als hij can.
Item den halffman sal gehouden sijn ten minsten onderhalff hondert koppel
scapen te halden, en sal oock niet meer om schaepen op het vierdel moghen hebben
als vijf off ses.
Noch wordt den halffman to voeder koeren toegelacht vijf fimmen roggen
ende vijf fimmen boeckweyt, 1) eenen morgen voederlants om haver te saeyen,
ende eenen morgen linten landts, niet vanden beesten noch van de slechsten dan
soemen hem opden velde wijsen sal van beyder sieden koeren.
Item wanneer het tijt is koeren in te varen soe sal den halffman sulxs den
convent erst te kennen geven om te tellen, ende dan salt den halffman inder
schueren varen ende in twee bermen leggen, 2) ende den halffman sal gheen
koeren moegen dorssen, het convent sal eerst haeren berm gecoeren hebben.
Ende alst convent bereyt is te dorssen sal den halffman daer toe helpen
ende des convents dorsser den kost ende slapinge geven
Item den halffman sal soe veel schoeven maken als hij kan, 3) ende want daer
eenige te missen sijn die sal men verkoepen ende het gelt deylen, ende alst
van noede is te decken oft eenige andere reparatie op den hooff te doen
sal den halffman alles bij varen ende bestellen den operknecht, den werckman
den koste geeven, ende het convent sal hem loenen, maer wat hij mit
sijne knechten gedoen kan, sal hij selfs maken.
Item is noch voerbehalden dat het convent nae hunne believen sal moghen
disponieren van drie morgen vanden hoefslach, drie morgen landts bij den groeten hoof
ende alle andere landerie ende erve die plach te hoeren onder den nieuwen hooff.
(blad 2:)Verders is versproecken wat op den hooff wast, het sijn koeren vruchten
oft andersins, sal den halfman gehalden sien de helft binnen Venloe int
convent te leeveren, den sal tconvent voeder voer die perden geven ende
het veer betalen.
Item alsmen die scapen scheeren sal sal het convent
geven een half aem biers, ende tconvent sal eenen hamel ~~meteen lampken~~ wt de coppel
moegen kiesen. Noch sal den halffman iaerlixs aent convent geeven
31 ~~twintich~~ pont boteren, ende op de kerckwienge kersmis ~~kersmiss~~ kermisse ses
paer hoenderen ende te paesschen anderhalf hondert eyer ende vet kalff ende
noch tot een vereeringe iaerlixs een pont peper, een pont gimber ende


een pont rumpen voer de pater 1 broet [.......] ofte 1 rijckxdaler daer voor
ende 4 carren torff ende oock soe daer eenige scapen off andere beesten
gedeylt werden sal den halffman die eerst lievich maken eerse aen het convent
gebracht wierden. Ende offt convent eenigen dienst vandoen hadde, daer
en sal den halffman niet weygerlich in sien.
Item den halffman sal iaerlixs tot steur der scattinge betaelen in ieder
cedule vijff gulden bb, ende sal oft geviele dat die beesten gescat wierden,
soe sal hij de helft betaelen.
Item want den tijt toelaet ende enichsins gescieden kan soe sal den halffman
ten minsten een acht verkens optrecken, ende oft geviel omtrent S. Lambert
alsmen die deylen sal, datter eenige van het convents verkens onreyn vielen,
soe sal den halffman van sijn suyver verckens soe goet als des convents verkens
inde plaetse leeveren, ende den halffman sal voer ieder vercken een vaet
boeckweyt hebben.
Item sal den halffman sich geens holthouwens onderstaen ende sal
gehalden sien die tuynen, heggen, grachten ende wallen wel te onderhalden
ende die selvige wel te bepoeten.
Item oft geviel dat die conventualen ende den halffman sich niet langer
verdragen en kosten ende af moeghe trecken, soe sal den halffman die beesten
ende alles wat opden hoff te setten is, setten in twee deylen ende die
conventualen sullen kiesen. Den halffman sal oock geen meest vanden
hoff varen, sal dien in goeden gereeck laten, is daer enich alt stroey,
dat sal deylbaer sien. Oock is geconditioneert dat bij soe veerre den
halffman sich in eenige van dese voergaende puncten overtreden, salt
alle iaer paesschen met hem sien ende men hem soude meugen alle iaer
doen aftrecken.


Ich Lennert van Loon Itgen Joesten sijn huysfrou

Jacop Joesten, Jennis Jooesten
fr Augustinus Vinckedes,
S. Gertruy Kerstens, mater
S Maria Fabri procratersse

	Pachtcontract Maris 1639 + Anno 1639 Den 4 february hebben die matersse ende procuratersse in name der semptelicke Conventualen inde Wey binnen Venloe utgegeven ten halffscheyt oeren hoff groot Maris inden kerspel van helden gelegen ten halven te bouwen aen Lenart van Loen ende Itgen Joesten sijn huysvrouwe ses iaer ter halver tijt opte seggen ter beyder sieden dies niet en gelieft ende nastcomenden passchen aengaende inmanieren ende voerwaerden hier volgende. Inden eersten sal den halffman den hooff ende lenderie in bouw ende mestinge wel onderhalden, ende het landt dat nu ledich ligt mit de nieue erve soe veel als het gescieden kan allenskens boubaer maken ende den saet sal ten beiden sieden half ende half gedaen werden, ende oock al wat daer op den hooff wascht, niet wtgesondert, sal half ende half sien ende gaen. Item perden, koeyen, schapen ten halven sien ende geen vercocht moghen woerden dan met believen van tconvent, ende off daer meer dan een beest te vercoepen viel sal den halfman die setten tegen den anderen ende de susteren sullen kiesen. Ende sal soe veele calveren opvoeden als hij can. Item den halffman sal gehouden sijn ten minsten onderhalff hondert koppel scapen te halden, en sal oock niet meer om schaepen op het vierdel moghen hebben als vijf off ses. Noch wordt den halffman to voeder koeren toegelacht vijf fimmen roggen ende vijf fimmen boeckweyt, 1) eenen morgen voederlants om haver te saeyen, ende eenen morgen linten landts, niet vanden beesten noch van de slechsten dan soemen hem opden velde wijsen sal van beyder sieden koeren. Item wanneer het tijt is koeren in te varen soe sal den halffman sulxs den convent erst te kennen geven om te tellen, ende dan salt den halffman inder schueren varen ende in twee bermen leggen, 2) ende den halffman sal gheen koeren moegen dorssen, het convent sal eerst haeren berm gecoeren hebben. Ende alst convent bereyt is te dorssen sal den halffman daer toe helpen ende des convents dorsser den kost ende slapinge geven Item den halffman sal soe veel schoeven maken als hij kan, 3) ende want daer eenige te missen sijn die sal men verkoepen ende het gelt deylen, ende alst van noede is te decken oft eenige andere reparatie op den hooff te doen sal den halffman alles bij varen ende bestellen den operknecht, den werckman den koste geeven, ende het convent sal hem loenen, maer wat hij mit sijne knechten gedoen kan, sal hij selfs maken. Item is noch voerbehalden dat het convent nae hunne believen sal moghen disponieren van drie morgen vanden hoefslach, drie morgen landts bij den groeten hoof ende alle andere landerie ende erve die plach te hoeren onder den nieuwen hooff. (blad 2:)Verders is versproecken wat op den hooff wast, het sijn koeren vruchten oft andersins, sal den halfman gehalden sien de helft binnen Venloe int convent te leeveren, den sal tconvent voeder voer die perden geven ende het veer betalen. Item alsmen die scapen scheeren sal sal het convent geven een half aem biers, ende tconvent sal eenen hamel ~~meteen lampken~~ wt de coppel moegen kiesen. Noch sal den halffman iaerlixs aent convent geeven 31 ~~twintich~~ pont boteren, ende op de kerckwienge kersmis ~~kersmiss~~ kermisse ses paer hoenderen ende te paesschen anderhalf hondert eyer ende vet kalff ende noch tot een vereeringe iaerlixs een pont peper, een pont gimber ende een pont rumpen voer de pater 1 broet [.......] ofte 1 rijckxdaler daer voor ende 4 carren torff ende oock soe daer eenige scapen off andere beesten gedeylt werden sal den halffman die eerst lievich maken eerse aen het convent gebracht wierden. Ende offt convent eenigen dienst vandoen hadde, daer en sal den halffman niet weygerlich in sien. Item den halffman sal iaerlixs tot steur der scattinge betaelen in ieder cedule vijff gulden bb, ende sal oft geviele dat die beesten gescat wierden, soe sal hij de helft betaelen. Item want den tijt toelaet ende enichsins gescieden kan soe sal den halffman ten minsten een acht verkens optrecken, ende oft geviel omtrent S. Lambert alsmen die deylen sal, datter eenige van het convents verkens onreyn vielen, soe sal den halffman van sijn suyver verckens soe goet als des convents verkens inde plaetse leeveren, ende den halffman sal voer ieder vercken een vaet boeckweyt hebben. Item sal den halffman sich geens holthouwens onderstaen ende sal gehalden sien die tuynen, heggen, grachten ende wallen wel te onderhalden ende die selvige wel te bepoeten. Item oft geviel dat die conventualen ende den halffman sich niet langer verdragen en kosten ende af moeghe trecken, soe sal den halffman die beesten ende alles wat opden hoff te setten is, setten in twee deylen ende die conventualen sullen kiesen. Den halffman sal oock geen meest vanden hoff varen, sal dien in goeden gereeck laten, is daer enich alt stroey, dat sal deylbaer sien. Oock is geconditioneert dat bij soe veerre den halffman sich in eenige van dese voergaende puncten overtreden, salt alle iaer paesschen met hem sien ende men hem soude meugen alle iaer doen aftrecken. Ich Lennert van Loon Itgen Joesten sijn huysfrou Jacop Joesten, Jennis Jooesten fr Augustinus Vinckedes, S. Gertruy Kerstens, mater S Maria Fabri procratersse