| | - Accoord Dries Boor en Jeen, Jan Sijen dochter.
-
-
Op huiden dato 1675 den 27 apryll is een vryntelyck ackoert gheschyet tussen den ersamen ende vromen Dryes Boor ende Jeen Jan Syeen doochter eheluiden. Soo is versproecken tusschen dese eheluiden voorss in presensy ende ten overstaen Marcylys Selen ende Geeryt Boeen, beyde scheepenen der Herlyckheyt Helden, soo is versproecken ende gheecondyttyonert allen die geuderen soo ghereytt ende onghereyt soo dese eheluiden syn hebbende, sael den leest levende moeghen ghebruycken tot onderhaelt synes lyefs. Ende by alldyen dat den leest levende nyet en kunde tuy coemen met het ghebruyck, soo is gecondyttyoneert dat den lest levende tot onderhalt synes lyfs het cappetael sall moeghen verteeren. Ende watter overschyet by den leest levende sall twee syden hebben. In warder orcondt hebben wy voorss schepen deses met eyghener handt onderschreven, datum als boven.-
- Maes van Knippenberch, subsetut schryver;
- Marcelis Selen;
- Geret Boyen
| |