Jan Vreyssen, synde kranck van lichaem, doch by goeder memoriën ende verstande, ende vande Goedts- gaeff cranck ende vermaent synde, ende heeft der weghen haeren vuyttersten will ende testament gemaeckt, voor getuyghen Dirick Janssen ende Jan Smeets, in forma als volght: Inden eersten heeft sy begeert, soo wanneer haer seel ende lichaem gescheyden, bevyelt haer seell Godtt almachtich ende haer lichaem der gewydder eerden tot Helden. Ende tot haere tytelycke goederen coemende, om daer van toe disponeren naer haeren eeygen well gevallen, soo gyeft ende maeckt zy H. Kercken, staende aen Martten Brumments kinder.* Item gyeft ende maeckt sy testa­trice Jencken Bollens die somma van XXV gl., staende aen Tonis Lodders. Item gyeft zy Jencken Vs nach een bedde, dat welck Jenckens broder Peter aen haer gebracht hadde. Nach gyeft ende maeckt sy Jencken Vs eenen kast ende een kist. Waer met sij testatrice haere depositie is concluderende, twelck sy begeert naer haeren doott onderhalden toe hebben. Ende hebben tuyg[en] Vs desen inhalt van testament aen schepennen Geradt Vhaegh ende Lenaert Smullers overgebracht, binnen behoorlycken tyt. Ende hebben dit tegenwoordich document van testament met eygenaer hantt onderteyckent opten 19^en Junius 1636.

WylmKnippenbergh Vice-secretarius  

* Welke schenking aan de Kerk wordt gedaan is niet vermeld.