HISTORISCHE WERKGROEP LAND VAN K

*[ Door op de foto te klikken krijgt u een vergroting ]*

	[Blad 1 voorzijde] Kessel anno Domini (14)60 usque (14)61

	[Blad 2 voorzijde] Dit is rekeninge ende bewisinge mijns Dericks van der Horst, amptman tslants van Kessell ende ter Horst, van allen upboeren ende uitgeven dat ick van weghen mijns lieven genedigen heren van Gelre ende van Gulick ende Greve van Sutphen upgeboirt ende uitgegeven heb, aengaende op Onser Liever Vrouwen dach Annunciatio in den jaeren Ons Heren 1460 ende uitgaende op Onser Liever Vrouwendach Annunciatio in den jaeren van (14)61 Primo van den renthen van der Horst Item van pacht van der joffrouw van Meerlaer van oeren guede tot Oesterick daer sij in woent, geboirt 5 vaet roggen Item van Eijgemans kijnderen van oeren guede tot Wevoirt geboirt 3 malder 3 vaet roggen Item van Jacop Messen guede achter der kercken geboirt 1 malder roggen Item van der nijer teenden geboirt 7 malder 3 vaet roggen Item van der pacht to Berghem van der moelen tot Sevenhem geboirt 2 malder 2 vaet roggen Item van den molenen geboirt 70 malder roggen Summa 85 malder 1 vaet roggen, 't malder gerekent voir 6 vaet Items des roggen gheet aff aen Goedert van Vloedorp berduersticker die hij jaerlicks uiten moelenen geldende heefft 6 malder roggen Item den 4 ordenen van alder gewointen opter moelen gegeven 4 vaet roggen Item als dese 6 malder ende 4 vaet rogghen van der voirg. somme aff getoghen sijn soe blijfft des roggen noch 78 malder 3 vaet rogghen Summa per se

	[Blad 2 rugzijde] Item ummetrent Sunte Remeijsmisse dede ick des roggen vercoepen 26 malder, 't malder ad 1 rijns gulden 1 stuver, maect 27 rijns gulden 6 stuver, den gulden ad 20 stuver ende soe voirt dese rekeninge uit Item ummetrent Kerssmisse dede ick des roggen vercoepen 28 malder, 't malder ad 18 stuver, maect 25 rijns gulden 4 stuver Item soe blijfft des roggen noch 24 malder 3 vaet, den hebbe ick doin vercoepen 't malder ad 17 stuver, maect 20 rijns gulden 16 stuver 2 ortken Item van der molenen geboirt 24 malder malts, 't malder ad 16 stuver, maect 19 rijns gulden 4 stuver Item van den moelenen geboirt 8 malder 3 vaet boeckweits, 't malder ad 12 stuver, maect 5 rijns gulden 2 stuver Item van pacht geboirt 1 malder 5 vaet evenen ende tot Oerle van weijevenen 3 malder 1 vaet, tesamen 5 malder evenen, 't malder ad 7½ stuver, maect 1 rijns gulden 17 stuver 2 ortken Item van enen ponde vlass geboirt 1 stuver Item van tijnse geboirt 21 rijns gulden, des gheet aff die mijn genedige here den gasthuse gegeven heefft 6 alde botdreger, soe blivet 20 rijns gulden 13 stuver 1½ ortken Item van der assijsen geboirt 9 rijns gulden Item geboirt 52½ capoen, 't stuck ad 1 stuver, maect 2 rijns gulden 12 stuver 2 ortken Item geboirt 42 hoenre ende tot Swolgen 12 weijhoenre tesamen 54 hoenre, 't stuck ad ½ stuver, maect 1 rijns gulden 7 stuver Summa 133 rijns gulden 3 stuver 3½ ortken

	[Blad 3 voorzijde] Upboeren van gewijnne ende van broecken ther Horst Item van Johan den cuper aen Smaelbrugge van gewijnne geboirt 1 rijns gulden Item van Pouwels sHoegen in Meldersloevelde van gewijnne geboirt 3 rijns gulden 5 stuver Item Thijs Eijgemans had gemeijnt aengegraven, gecomponeert bij raet der scepenen mijt 4 rijns gulden, maect myns genedighen heren deell 2 rijns gulden Item Johan van Schadick had guet aengevangen dat sijn nyet en was, gecomponeert bij raet der scepenen mijt 32 rijns gulden, maect mijns genedigen heren deell 16 rijns gulden Summa 22 rijns gulden 5 stuver Upboeren in den lande van Kessell Primo Kessell ende Helden Item Tijsken die baede van eenre vrouwen tot Kessell van gewijnne geboirt 2 rijns gulden 10 stuver Item van Tijs Welters van gewijnne geboirt 6 rijns gulden Item van Jan van Aenstoet ende van Seger Borchcamp van ordell gelde geboirt twije 5 mark vz 2 rijns gulden 5 stuver 2 ortken Item van Tijs Welters ende Gerit Schraemonts van erfftalen geboirt twije 5 mark vz 2 rijns gulden 5 stuver 2 ortken Item Soemerman had woirde op enen scepenen gehadt, daer umme die lantscepenen tot Kessell vergadert woirden ende hij waert broeckich gewesen. Der broecken en waeren die scepenen nijet wijs, soe en konde Soemerman dat ordell nijet verborgen ende en dorst des nyet verwachten, gecomponeert bij raet der scepenen mijt 100 rijns gulden Summa 113 rijns gulden 1 stuver

	[Blad 3 rugzijde] Baerle nijet geboirt Brede Item van Jenken Scomeker van nijen erve van gewijnne geboirt 1 rijns gulden 15 stuver Item Peter van Brede van gewijnne geboirt 19 stuver Item van Alet Costers van gewijnne geboirt 5 stuver Item van Johan ende Derick Tijmmermans gebruederen van gevecht geboirt twye 5 mark vz 2 rijns gulden 5 stuver 2 ortken Item Herman Pelsser dochter had enen man gedreight, gecomponeert bij raet der scepenen mijt 6 rijns gulden Item Peter Aechten van gevecht 5 mark vz 1 rijns gulden 2 stuver 3 ortken Item Gerit Noijen had rueben gepluct die sijn niet en waeren, gecom poneert bij raet der scepenen mijt 5 rijns gulden Item van Peter Aechten guede geboirt 5 malder roggen, 't malder ad 1 rijder gulden, maect 4 rijns gulden 7 stuver 2 ortken Item van der nyer teenden geboirt 2½ malder roggen, 't malder ad 1 rijder gulden, maect 2 rijns gulden 3 stuver 3 ortken Item Wolter Smijt had in die gemeijnt van Sevenhem gepant, gecomponeert bij raet der scepenen mijt 12 rijns gulden Item Brant van Brede had enen doetslach gedaen, gecomponeert mijt 250 rijns gulden ~~Soe hat myn genedige here aen Brant~~ ~~versat voir 100 ryns gulden die ick hem betalt heb. Soe reken ick daer~~ ~~van geboirt 150 ryns gulden~~ 250 computatum Summa 285 rijns gulden 18 stuver 2 ortken

	[Blad 4 voorzijde] Blederick Item Heijn Poet die Jonge van erfftalen 5 mark vz 1 rijns gulden 2 stuver 3 ortken Item van Gaert van der Saelstat van gevecht twije 5 mark vz 2 rijns gulden 5 stuver 2 ortken Item Gerit Bruijns van gevecht 5 mark vz 1 rijns gulden 2 stuver 3 ortken Item van der nijer teenden geboirt 1½ malder roggen, 't malder ad 1 rijder gulden, maect 1 rijns gulden 6 stuver 1 ortken Summa 5 rijns gulden 17 stuver 1 ortken Sevenhem Item van Lenart Cortgoeswijns ende van Gertruijt van den Oever van erfftalen twije 5 mark vz rijns gulden 5 stuver 2 ortken Item Claes van Meerle van erfftalen drijewerff 5 mark vz 3 rijns gulden 8 stuver 1 ortken Item Lenart van Meerle ende Jenken Borwaters van erfftalen twije 5 mark vz 2 rijns gulden 5 stuver 2 ortken Item Jenken van der Eertbruggen van erfftalen 5 mark vz 1 rijns gulden 2 stuver 3 ortken Item Willemkens wijff van den Drijes ende sijn dochter waeren beruchticht dat sij in der veden heymelick tot Venle plaeghen te loepen ende umme dat Willemken sinen soin tot Venle wonende, gehuist ende gehaefft had, gecomponeert bij raet der scepenen mijt 30 rijns gulden Summa 39 rijns gulden 2 stuver

	[Blad 4 rugzijde] Swolgen Item van Derick Luijtgens van erfftalen geboirt twye 5 mark vz 2 rijns gulden 5 stuver 2 ortken Item tot Broichuservorst van nijen tijnse geboirt 1 stuver 3 ortken Summa 2 rijns gulden 7 stuver 1 ortken Wanssem Item aldaer van Rostgens soen van componeringen bij raet der schepenen geboirt 16 rijns gulden Item Nese van der Hatert van erfftalen 5 mark vz 1 rijns gulden 2 stuver 3 ortken Item Peter Rostgens was vertegen van duijsteren saecken, gecomponeert bij raet der scepenen mijt 18 rijns gulden Item Lijsbet van der Hatert van erfftalen 5 mark vz 1 rijns gulden 2 stuver 3 ortken Summa 36 rijns gulden 5 stuver 2 ortken Raede Item soe Jan van der Poell een was van den 7 die uitgehalden woirden doe mijn genedige here tot Raede was, gecomponeert mijt 125 rijns gulden, daeraff 12 knechten gegeven elken 1 clinckert, maect 9 rijns gulden ende hij sat ter Horst 3 weken in den stock, verteerde 3 clinckert, maect 2 rijns gulden 5 stuver ende als dese 11 rijns gulden ende 5 stuver affgetogen sijn soe blivet 113 rijns gulden 15 stuver Item van Jenken Peters van schutten geboirt 1 rijns gulden Item die verwer van Raede was een van den bij die uitgehalden woirden, gecomponeert bij raet der scepenen mijt 67 rijns gulden 10 stuver Summa 582 rijns gulden 5 stuver Summa summarum van alle mijnen upboeren voirs. compt tesamen op 820 rijns gulden 5 stuver 1½ ortken

	[Blad 5 voorzijde] Dit is uitgeven mijns Dericks van der Horst, amptman etc., dat ick vanwegen mijns lieven genedigen heren van Gelre ende van Gulick etc. uitgegeven heb bijnnen deser voirg. tijt Item mijn genedige lieve here geefft mij jaerlicks van mijnen ampt te verwaeren ende van des huisgehalts wegen ter Horst 100 rijns gulden Item soe gheefft mij mijn genedige lieve here jaerlicks van den gelde dat ick van sijnre genaeden wegen geworven heb ende Art van Meerssen gegeven ende uiter den ampt geloest nae uitwisinge mijns amptbrieffs 159 rijns gulden 10 stuver 1 krompstert Item mijn genedige lieve here geefft mij oick jaerlicks van den scoltet ampt te verwaeren 50 rijns gulden Item voir mijn ruvoeder jaerlicks 10 rijns gulden Item tot mijne perden jaerlicks 60 malder haveren, 't malder ad 7½ stuver, maect 22 rijns gulden 10 stuver Item voir mijnen brant 8 rijns gulden Item den poirter voir sinen kost ende loen 21 rijns gulden Item den molner voir sinen kost ende loen 11 rijns gulden (in de marge van bovenstaande posten staat:) gehalt Item die wintmoelen all nije geseijlt, daertoe gehadt tot mijns genedigen heren deell 40 ellen graeffs lijnen duecks, die elle ad 1½ vleems, maect 2 rijns gulden 3 stuver Item voir lijnen totten seijlen gegeven 2 stuver 2 ortken Item voir mijspelboemenholt totten kammen ende staven opten moelenen gegeven 15 stuver Iten voir twe rutsell schijnen gegeven 5 stuver Item voir een lasch aen der roeden van der wintmoelen gegeven 4 stuver 2 ortken Item voir heckscheijen gegeven 4 stuver Item den hoijmeijeren voir kost ende loen gegeven 1 rijns gulden 8 stuver Item 4 graever hebben aen den archen gegraven twe daghen, hadden ellick 's dages an kost 2 stuver, maect 16 stuver (in de marge van bovenstaande posten staat:) moelenen Summa 387 rijns gulden 18 stuver 1½ ortken

	[Blad 5 rugzijde] Uitgeven an kost ende provande als mijn genedige lieve here ter Horst is geweest Item des maenendages nae Pinxtdach quaemen mijns heren genaeden ter Horst mijt ummetrent 100 perden, verdede daer nae uitwisinge des coeckenbuecks 10 rijns gulden 4 stuver 2 ortken Item des saetersdages op Sunte Andriesavont quam mijn lieve genedige here mijt ummetrent 23 perden van den Grave ter Horst, bleeff daer wes des maenendages daernae ende reet doe voirt tot Gelre. Daer en bijnnen in allen ampten nae inhalt des coeckenbuecks verdaen 14 rijns gulden 2 ortken Item des dinsdages nae Sunte Lucijendach quam mijn lieve genedige here van Gelre ter Horst mijt ummetrent 22 perden, bleeff daer wes des saetersdages, daer en bijnnen in allen ampten nae inhalt des coeckenbuecks verdaen 16 rijns gulden 17 stuver 3 ortken Item des sonnendages nae Derthiendach quam mijn lieve genedige here ter Horst, bleeff daer wes des saetersdages, daer en bijnnen in allen ampten nae inhalt des coeckenbuecks verdaen 35 rijns gulden 4 stuver 2 ortken Item des dinsdages nae Sunte Pouwelsdach Conversio quam mijn lieve genedige here van den Grave ter Horst mijt ummetrent 15 perden, bleeff daer 8 nacht ende reet weder tot Grave, daer en bijnnen in allen ampten nae inhalt des coeckenbuecks verdaen 28 rijns gulden Item des dinsdages nae den sonnendach Reminiscere quam mijn lieve genedige here myt ummetrent 23 perden van Goch ter Horst ende bleeff daer wes des maenendages nae den sonnendage Oculi, reet doe voirt to Gelre, die tijt is 6 nacht, daer en bijnnen in allen ampten nae inhalt des coeckenbuecks verdaen 27 rijns gulden 19 stuver 1 ortken Summa 132 rijns gulden 6 stuver 2 ortken

	[Blad 6 voorzijde] Uitgeven aen teringen als ick vanwegen mijns genedigen lieven heren gereden ben geweest Item soe is te weten dat ick in mijnre lester rekeningen nijet gerekent en heb dat ick vanwegen mijns lieven genedigen heren gereden ben geweest van Kerssmisse tot Onser Liever Vrouwendach toe Annunciatio gelijck hijr nae beschreven volcht Item des goensdages na Sunte Agnetendach reet ick tot Grave nae des coninx raet van Franckrijck ende van Schotlant mijt 3 perden, bleeff daer by oen 4 nacht, reet voirt mijtten selver ridder nae mijns heren genaeden t'Arnhem, bleeff daer 3 nacht ende van daer tot Nymegen. Daer waert ick gequijt, soe reken ick mijns heren genaeden 7 nacht, maect 7 rijns gulden 17 stuver 2 ortken Item des dinsdages op Sunte Gregoriusavont reet ick van bevell mijns heren genaeden mijt mijnen genedigen heren to Graeve mijt 3 perden, bleeff daer 7 nacht, maeckt 7 rijns gulden 17 stuver 2 ortken Item des dinsdages nae Sunte Gregoriusdach sande mij mijn genedighe here tot Kessell mijt Johan van Gelre, Johan van Egmont ende voirt ander ruter umme die van Ruermunde oir duecken aver te beligen. Was 1 nacht ter Horst, daervan en rekene ick nijet dan ick dede den ruteren 3½ malder haveren, costen 2 rijns gulden 5 stuver Item ten selven maell reet ick voirt mijtten ruteren tot Maeshese mijt 5 perden 1 nacht, verdede 1 rijns gulden 10 stuver Item des donresdages nae Sunte Gertruijdendach quam ick weder tot Grave nae mijns heren genaeden mijt 3 perden, bleeff aldaer 4 nacht ende des sonnendages op Halffvasten sande mij mijn genedige here voirt to Nijmegen. Bleeff daer 1 nacht mijt 3 perden, reet voirt t'Arnhem, bleeff daer wes opten Palmdach, die tijt maect tesamen 13 nacht, facit 14 rijns gulden 12 stuver 2 ortken Item doe sande mij mijn genedige here weder tot Nijmegen opten Palmdach, bleeff daer 2 nacht mijt 3 perden, maect 2 rijns gulden 5 stuver Item des dinsdages na Palmdach reet ick van Nijmegen tot Grave nae mijnen genedigen heren, bleef daer wes des sonnendages nae Belaecken Paeschen, die tijt maect 19 nacht mijt 3 perden, maect 21 rijns gulden 7 stuver 2 ortken Item des sonnendages na Belaecken Paeschen reet ick ter Horst ende in der selver nacht sande mij mijns heren genaeden enen baede dat ick terstont weder to Graeve queme. Reet aldaer, was daer 2 nacht mijt 3 perden, maect 2 rijns gulden 5 stuver Summa 60 rijns gulden

	[Blad 6 rugzijde] Item opten Meijavont sand mij mijn genedige here weder ter Horst ummedat die ruter weder tot Venle commen waeren, was daer 3 nacht, daervan en rekene ick nijet ende des sonnendages nae des Heiligen Cruijsdach reet ick weder to Grave tot mijnen genedigen heren, bleeff daer wes des dinsdages op Sunte Servaesdach, die tijt is 9 nacht mijt 3 perden, maect 10 rijns gulden 2 stuver 2 ortken Item des sonnendages nae Sunte Servaesdach reet ick weder van der Horst to Grave tot mijnen genedigen heren mijt den ruter uit Franckrijck, was daer 2 nacht mijt 3 perden, maect 2 rijns gulden 5 stuver Item des goensdages nae Onser Liever Vrouwendach Assumptio reet ick van der Horst tot Grave nae mijnen genedigen heren mijt der antwert uit Franckrijck, was 2 nacht to Grave, reet voirt t'Arnhem nae mijnen genedigen heren, was tesamen uit 5 nacht myt 3 perden, maect 5 rijns gulden 12 stuver 2 ortken Item des maenendages nae Sunte Johansdach Decollatio was ick gereden t'Arnhem tot mijns heren genaeden van mijns genedigen heren sunderlingen beveell, was uit 5 nacht mijt 3 perden, maect 5 rijns gulden 12 stuver 2 ortken Item per litteram domini des saetersdages op Sunte Matheeusavont reet ick nae mijns heren genaeden mijt den borgermeister van Ludick, was uit 7 nacht mijt 3 perden, maect 7 rijns gulden 17 stuver 2 ortken Item des donresdages doe men den coninck van Schotlant begaen solde reet ick van der Horst t'Arnhem tot mijnen genedigen heren, bleeff tot Nijmegen umme sunderlinger saecken wille, was uit 4 nacht mijt 3 perden, maect 4 rijns gulden 10 stuver Item per litteram domini des donresdages nae Sunte Sijmon Judendach reet ick to Grave tot mijns heren genaeden doe des conincks heralt van Franckrijck daer was, bleeff daer 4 nacht, maect 4 rijns gulden 10 stuver Item per litteram domini des maenendages nae Sunte Andriesdach reet ick mijt mijnen genedigen heren van der Horst tot Gelre mijt 3 perden, bleeff daer wes des dinsdages nae Sunte Lucyendach, die tijt is 15 nacht, maect 16 rijns gulden 17 stuver 2 ortken Item van beveell mijns genedigen heren opten Kerssavont reet ick to Grave tot mijns heren genaeden mijt 3 perden. Bleeff daer wes des sonnendages nae Derthiendach, die tijt is 18 dage, maect 20 rijns gulden 5 stuver Summa 77 rijns gulden 12 stuver 2 ortken

	[Blad 7 voorzijde] Item des saetersdages daernae reet ick mijt mijnen genedigen heren van der Horst tot Grave mijt 3 perden, bleeff daer wes des dinsdages nae Sunte Pouwelsdach, die tijt is 10 nacht, maect 11 rijns gulden 5 stuver Item per litteram domini des goensdages nae Sunte Valentijnsdach reet ick to Grave tot mijnen genedigen heren ende voirt tot Goch mijt 3 perden, bleeff daer wes des dinsdages nae den sonnendach Reminiscere, reet doe voirt mijt mijnen genedigen heren ter Horst. Die tijt is 19 nacht, maect 21 rijns gulden 7 stuver 2 ortken Item des maenendages nae den sonnendach Oculi reet ick mijt mijns heren genaeden tot Gelre mijt 3 perden, bleeff daer wes des vrijdages, die tijt is 4 dage, maect 4 rijns gulden 10 stuver Item des maenendages nae den sonnendach Letare, reet ick van der Horst to Grave tot mijnen genedigen heren umme der wille van Venle, was uit een nacht, maect 1 rijns gulden 2 stuver 2 ortken Summa 38 rijns gulden 4 stuver Uitgeven aen baedeloen Item op Sunte Lambrechtsdach sande ick enen baede vanwegen mijns heren genaeden van Kessell tot Wassenberch, datum 2 stuver 1 ortken Item des sonnendages nae Sunte Dijonijsdach sande ick enen baede van Gelre tot Ordingen, datum 3 stuver Item des sonnendages nae Sunte Lenartsdach sande ick enen baede to Grave tot mijnen genedigen heren, datum 5 stuver Item des sonnendages nae Sunte Martijnsdach noch enen baede van der Horst to Grave gesant tot mijns heren genaeden, datum 5 stuver Item des donresdages nae Sunte Elijsabettendach noch enen bade van der Horst to Grave gesant tot mijnen genedigen heren, datum 5 stuver Item des saetersdages op Sunte Ceciliendach sande ick enen knecht mijt enen perde van der Horst to Grave tot mijns heren genaeden, was uit 2 nacht, datum 10 stuver Item des maenendages op Sunte Katherinenavont sande ick noch enen baede van der Horst to Grave tot mijnen genedigen heren, datum 5 stuver Summa 1 rijns gulden 15 stuver 1 ortken

	[Blad 7 rugzijde] Uitgeven aen alreleij anderen saecken Item ick hebbe aen Nolte van Kueringen voir een pert daer ick van weghen mijns genedigen heren borghe voir was betaelt 70 ryns gulden Item van mijns genedigen heren panden die tot Venle stonden een jaer ende 4 maende, daervan tsjaers van den 100 rijns gulden gegeven 18 rijns gulden, maect 24 rijns gulden Item per litteram domini Johannes Gobelinus knecht was tot enen peerde, gegeven 20 rijns gulden Item soe heb ick vanwegen mijns genedigen heren tot Sutphen twe perde verleist die ick weder loeste voir 26 rijns gulden Item ick hebbe den grave umme dat huis ende voirborcht ter Horst doin vegen ende graven, daervan gegeven 28 rijns gulden, maect mijns genedigen heren deell 14 rijns gulden (in de marge van deze post staat:) vacat Summa 140 rijns gulden

	[Blad 8 voorzijde] Uitgeven aen tijmmeringen Item twe tijmmerlude hebben getijmmert 40 dage, maect mijns genedigen heren deell 20 dage, een nije stakaet umme dat voirborcht, een nije waeck huis gemaect, hebben die averste valbrugge nije gemaect, een nije brugge aent vonderen ende die poirt eens deels toegemaect, den solre opten coecken verdreven, aen den archen gestopt ende ander cleijn werck gemaect hebben, hadden ellick 's dages te loen 2 stuver ende an kost 2 stuver, maect 8 rijns gulden Item die watermoelen nije geclotst ende gesaelt, dat grontwerck van der archen upgebraecken ende vermaect, een nije bedde onder den steen, een nije cuijp ende een nije moelenrat. Heb ick tesamen verdingt te maken voir 11 rijns gulden, den gulden ad 19 stuver, maect mijns genedigen heren deell 5 rijns gulden 4 stuver 2 ortken Item twe holtsniders hebben holt gesneden tot deser tijmmeringen 10 daghe, maect mijns genedigen heren deell 5 dage, hadden ellick 's dages te loen twe stuver ende an kost 2 stuver, maect 2 rijns gulden Item een stroedecker heefft gedeckt 10 dage, maect mijns genedigen heren deell 5 dage, opter rosmoelen ende watermoelen ende dat waechuis nije gedeckt, opter stallen ende schueren gestopt, had 's dages te loen 2 stuver ende an kost 2 stuver, maect 1 rijns gulden Item sijn operknecht had 's dages te loen 1 stuver ende an kost 2 stuver, maect 15 stuver Item hijrtoe gehadt 22 vijmmen schoeve, maect mijns genedigen heren deell 11 vijmmen, die vijmme ad 5 stuver, maect 2 rijns gulden 15 stuver Item hijrtoe gehadt 150 latten voir 2 rijns gulden 5 stuver, maect mijns genedigen heren deell 1 rijns gulden 2 stuver 2　ortken Item noch voir 100 staecken gegeven 10 stuver, maect mijns genedigen heren deell 5 stuver Summa 21 rijns gulden 2 stuver

	[Blad 8 rugzijde] Uitgeven aen ijserenwerck Item totten molenen gehadt 7 veerdell spijkernagell, 8 billen gesteelt ende 5 nije billen, costen tsamen 25 vleems, maect mijns genedigen heren deell 8 stuver 3 ortken Item totten bruggen gehadt 200 spijkernagell, 2 veerdell lasnagell, vijff veerdell spondnagell, twe bande gelengt, vijff nije bande, die pelen gesteelt ende 1 nije clamme, cost tsamen 25 vleems, maect mijns genedigen heren deell 8 stuver 3 ortken Item enen bant umme die bosse in der watermoelen, twe bande aen der wintmoelen, die spille gelengt ende gesteelt ende dat rutsell gebonden. Cost tesamen 48 vleems, maect mijns genedigen heren deell 16 stuver 3½ ortken Item totter rosmoelen 4 gehenge, ½ maen, enen doirhaeck, 100 (ende) ½ veerdell groeter lasnagell, 200 (ende) 1 veerdell spijkernagell, cost tsamen 40 vleems, maect mijns genedigen heren deell 14 stuver 1 ortken Item enen bolt in die rosmoelen, 1 gort, dat rutsel gebonden, 6 veerdell spondnagell, 900 latnagell, costen tsamen 30　vleems, maect mijns genedigen heren deell 10 stuver 3 ortken Item die schakelen ijn die treckhamen in die rosmoelen, 9 veerdell spijkernagell ende noch vloerarch 5 veerdell spijkernagell ende totter moelenarch nije vermaect, gehadt 500 dobbel lasnagell, cost tsamen 2 rijns gulden 25 vlems, maect mijns genedigen heren deell 1 rijns gulden 8 stuver 3 ortken Item totter watermoelen 200 spondnagell, 100 staecknagell ende totten stakaet umme den voirborcht 500 groeter lasnagell, cost tsamen 2 rijns gulden 12 vleems, maect mijns genedigen heren deell 1 rijns gulden 4 stuver 3 ortken Item die spill opter wintmoelen gesteelt, 300 hecknagell, 1 veerdell stack nagell ende 3 ancker daer 't speck aen hengt, cost tsamen 24 vleems, maect mijns genedigen heren deell 8 stuver 2 ortken Item een aenricht in die coecken, een taeffelgehenge ende die stijper, cost 4 stuver 2 ortken Item 16 ijseren pijnne opten valderen, 700 staecknagell, 50 spijkernagell, ½ veerdell lasnagell totter nijer poirten ende totter solre baeven die coecken 200 solrenagell ende aent backhuis 1 veerdell groeter lasnagell. Cost tsamen 42 vleems, maect mijns genedigen heren deell 15 stuver Item totten verckenschot ende koestall 100 spijkernagell, 2½ veerdell spondnagell ende twe gehenge, twe emer opter averster bruggen gebonden, cost tsamen 12 vleems, maect mijns genedigen heren deell 4 stuver 1 ortken Summa 7 rijns gulden 5 stuver ½ ortken

	[Blad 9 voorzijde] Item twe muerre hebben die rinckmuer umme 't huis all umme nije ondervaeren, hebben daeraver gemuert 24 dage, maect mijns genedigen heren deell 12 dage, hadden ellick 's dages te loen 2½ stuver ende an kost 2 stuver, maect 5 rijns gulden 8 stuver Item oir operknecht had 's dages te loen 5 ortken ende an kost 2 stuver, maect 1 rijns gulden 19 stuver Item hijrtoe gehadt 300 mergelsteens ad 3 clinkarde, 1000 tijechell steens ad 1 rijns gulden, maect mijns genedigen heren deell 1 rijns gulden 12 stuver 2 ortken Item die ander steen die hiertoe verdaen sijn die sijn van Dericks huse van Blitterswijck comen, soe en reken ick daer nyet aff Item hijrtoe gehadt 4 mudde calcks ad 4 clinckart, maect mijns genedigen heren deell 1 rijns gulden 10 stuver Summa 10 rijns gulden 9 stuver 2 ortken Item soe bleeff mij mijn genedige lieve here in mijnre lester rekeningen schuldich 1306 rijns gulden 16 stuver 1½ ortken 23½ krompstert Summa per se Summa summarum van alle mijnen uitgeven voirs. compt tesamen op 2145 rijns gulden 5 stuver 2½ ortken 23½ krompstert Up ende affgeslagen dat upboeren tegen dat uitgeven soe beloept dat uitgeven meer dan dat upboeren 1325 rijns gulden ½ ortken stuvers 23½ krompstert

	[Blad 9 rugzijde] Dericks rekenschap van der Horst etc.