HISTORISCHE WERKGROEP LAND VAN K

*[ Door op de foto te klikken krijgt u een vergroting ]*

	[Blad 1 voorzijde] Quarta D Horst Kessel Anno etc. (14)60 usque (14)61 Pro Domino

	[Blad 2 voorzijde] Dat is rekeninghe ende bewijsinghe mijns Dericks van der Horst, amptman 's landtz van Kessell ende ter Horst, van allen upboeren ende uijtgeven dat ick van wegen mijns lieven ge nedigen heren hertoghe van Gelre ende van Gulich ende greeff van Zutphen opgeboirt ende uijtgegeven hebbe, aengaende op Onser Liever Vrouwendach Annunciatio in den jaer Onss Heren dusent 400 ende 60 ende uijtgaende op Onser Liever Vrouwendach Annunciatio in den jair van (14)61 Item soe ist to weten dat in opboeren ende uijtgeven ter Horst mijnen genedigen heren die heelfft gerekent wordt soe die sijnen gnaden aengeit Primo van den renthen van der Horst Item van pacht van der jonfferen van Mierlair van oeren guede to Oesterick dair sij op woent geboirt 5 vaet roggen Item van Eijgenmans kinderen van oeren guede to Wevort geboirt 3 malder 3 vait roggen Item van Jacob Messen guet achter der kerken geboirt 1 malder roggen Item van der nyerer thienden geboirt 7 malder 3 vait roggen Item van pacht to Berchem aen der moelen to Sevenhem geboirt 2 malder 2 vait roggen Item van der moelenen geboirt 70 malder roggen Summa 85 malder 1 vait roggen, 't malder gerekent voir 6 vait Item der roggen geet aff aen Gadert van Vlodorp beduijrsticker die hij jaerlix op ten moelenen heefft geldende 6 malder roggen Item den vier ordenen van alder gewoonten op den moelenen gegeven 4 vait roggen Item als dese 6 malder ende 3 vait roggen van der voirg. summen afgetoegen sijn, soe blijfft des roggen noch 78 malder 3 vait roggen Summa per se et vz hier nihil

	[Blad 2 rugzijde] Item ommetrent Sente Remeijssmijsse dede ick des roggen verkoepen 26 malder ad 1 rijns gulden 1 stuver, maickt 27 rijns gulden 6 stuver, den gulden ad 20 stuver ende soe voirt dese rekenschapp uijt Item ommetrent Kerssmijsse dede ick des roggen verkoepen 28 malder, 't malder ad 18 stuver, maickt 25 rijns gulden 4 stuver Item soe blijfft des roggen noch 24 malder 3 vait, den ick hebbe doin verkoepen 't malder ad 17 stuver, maickt 20 rijns gulden 16½ stuver Item van den moelenen geboirt 24 malder malts, 't malder ad 16 stuver, maickt 19 rijns gulden 4 stuver Item van den moelenen geboirt 8 malder 3 vait boickweets, 't malder ad 12 stuver, maickt 6 rijns gulden 2 stuver Item van pacht geboirt 1 malder 6 vait evenen ende tot Oerloe van weijevenen 3 malder 1 vait, tsamen 5 malder evenen, 't malder ad 7½ stuver, maickt 1 rijns gulden 17½ stuver Item van seven ponde vlassch geboirt 1 stuver Item van tijnse geboirt 21 rijns gulden, des geet aff die mijn genedige here den gasthuijss gegeven heeft 6 alde boddregers, soe blivet 20 rijns gulden 13 stuver 1½ ortken Item van der assijsen geboirt 9 rijns gulden Item geboirt 52½ capuijn ad 1 stuver, maickt 2 rijns gulden 12½ stuver Item geboirt 42 huenre ende tot Swolgen 12 weijhuenre, tsamen 53 huenre, 't stuck ad ½ stuver, maickt 1 rijns gulden 7 stuver Summa lateris 133 rijns gulden 3 stuver 3½ oirtken

	[Blad 3 voorzijde] Upboeren van gewijnne ende van broeken ther Horst Item van Johan Cuijper aen Smaelbruggh van gewijnne geboirt 1 rijns gulden Item van Pouwels sHogen in Meldersloevelde van gewijnne geboirt 3 rijns gulden 5 stuver Item Thijs Eijgenmans hadd gemeijnt aengegraven, gecomponiert bij rait der scepenen mijt 4 rijns gulden, maickt mijns heren deel 2 rijns gulden Item Jan van Schadick hadd guet aengevangen dat sijn nijet en was, gecomponiert bij raidt der scepenen mijt 32 rijns gulden, maickt mijns genedigen heren deel 16 rijns gulden Upboeren in den lande van Kessell Primo Kessell ende Helden Item Thijsken die bade van eijnre vrouwen van Kessell van gewijnne geboirt 2½ rijns gulden Item van Thijs Welters van gewijnne geboirt 6 rijns gulden Item van Jan van Aenstoit ende Segher Borchkamp van ondelgelde geboirt twie 5 mark vz 2 rijns gulden 5½ stuver Item van Thys Welters ende van Gerit Schraemontz van eerfftalen geboirt twie 5 mark vz 2 ryns gulden 5½ stuver Item Soemerman hadd woirde op eijnen scepen gehadt, daeromme die lantscepenen tot Kessell vergadert woirden ende hij wairt broekich gewesen, der broecken en waeren die scepenen nyet wijs, soe en konde Soemerman dat oirdell nijet verborgen ende en doest des rechts nijet verwachten, gecomponiert bij raidt der scepenen mijt 100 rijns gulden Summa lateris vz 135 rijns gulden ende 6 stuvers

	[Blad 3 rugzijde] Baerle nijet geboirt Brede Item van Jentken Schoemeker van nijen erve geboirt 1 rijns gulden 15 stuver Iten Peter van Brede van gewijnne geboirt 19 stuver Item van Aleijt Custerts van gewijnne geboirt 5 stuver Item van Jan ende Derick Tijmmermans gebroederen van gevecht geboirt twie 5 mark vz 2 rijns gulden 5 stuver 2 oirtken Item Harman Pelsers dochter hadd eenen man gedreigt, gecomponiert bij raidt der scepenen mijt 6 rijns gulden Item Peter Aichten van gevecht 5 mark vz 1 rijns gulden 2 stuver 3 oirtken Item Gerit Noijen hadd rueben gepluckt die sijn nijet en waeren, gecomponiert bij raidt der scepenen mijt 5 rijns gulden Item van Peter Aichten guede geboirt 5 malder roggen, 't malder ad 1 rijder gulden, maickt 4 rijns gulden 7½ stuver Item van der nijer thienden geboirt 2½ malder roggen ad 1 rijder gulden, maickt 2 rijns gulden 3 stuver 3 oirtken Item Wolter Smijtt hadd in die gemeijnt van Sevenhem gepant, gecomponiert bij raidt der scepenen mijt 17 rijns gulden Item Brant van Brede hadde eenen doitslaich gedain, gecomponiert mijt 250 ryns gulden Summa lateris vz 200 ende 15 rijns gulden 19½ stuver

	[Blad 4 voorzijde] Blerick Item Heijn Poet die Jonghe van eerfftalen 5 mark vz 1 rijns gulden 2 stuver 3 oirtken Item Goedert van der Saelstatt van gevecht 3 vijff mark vz 3 rijns gulden 8 stuver 1 oirtken Item Gerit Bruijns van gevecht 5 mark vz 1 rijns gulden 2 stuver 3 oirtken Item van der nijer theenden geboirt 1½ malder roggen, 't malder ad 1 rijder gulden, maickt 1 rijns gulden 6 stuver 1 oirtken Sevenhem Item van Lenart Cortgoesenss ende van Gertruijdt van den Oever van eerfftalen twee 5 mark vz 2 rijns gulden 5½ stuver Item Claes van Meerle van eerfftalen drywerff 5 mark vz 3 rijns gulden 8 stuver 1 oirtken Item Lenart van Meerle ende Jentken Borwater van eerfftalen twie 5 mark vz 2 rijns gulden 5 stuver 2 oirtken Item Jentken van der Eertbruggen 5 mark vz 1 rijns gulden 2 stuver 3 oirtken Item Wilhemkens wijff van den Driess ende sijne dochter waeren beruchticht dat sij in der veeden heijmelick to Venle plagen to loepen ende omme dat Wilhemke sijnen son tot Venlo woenende, gehuijst ende gehaifft hadde, gecomponiert bij raidt der scepenen mijt 40 rijns gulden Summa lateris vz 61 rijns gulden ende 2 stuver

	[Blad 4 rugzijde] Swolgen Item van Derick Luijtkens van eerfftalen geboirt twie 5 mark vz 2 rijns gulden 5 stuver 2 oirtken Item to Broickhusenvorst van nijen tijnse geboirt 1 stuver 3 oirtken Wanssem Item Neese van der Hatert van eerfftalen 5 mark (vz) 1 rijns gulden 2 stuver 3 oirtken Item Peter Rostken was beruchticht van duijsteren saken, gecomponiert bij raedt der scepenen mijt 18 rijns gulden Item Lijsbet van der Hatert van eerfftalen 5 mark vz 1 rijns gulden 2 stuver 3 oirtken Raede Item soe Jan van den Poell een was van den sovenen die uutgehalden woirden doe mijn genedige here to Raede was, gecomponiert mijt 125 rijns gulden. Dairaff twelff knechtz gegeven ellick 1 clinckert, maickt 9 rijns gulden ende hij satt ter Horst drij weken in den stock, vertheerde 3 clinckert, maickt 2 rijns gulden 5 stuver ende als dese 11 rijns gulden ende 5 stuver affgetoegen sijn soe blivet 113 rijns gulden 15 stuver Item die wever van Raede was eijn van den soevenen die uijtgehalden woirden, gecomponiert bij raidt der scepenen mijt 67 rijns gulden 10 stuver Summa lateris vz 203 gulden 17 stuver 3 oirtken stuvers Summa summarum van allen opboeren voirs. beloupt tsamen uijtwijsinge der partes 819 rijns gulden 8 stuver ½ ortken stuvers

	[Blad 5 voorzijde] Dat is uijtgeven mijns Dericks van der Horst, amptman etc. dat ick van wegen mijns lieven genedigen heren van Gelre ende van Gulick etc. uijtgegeven hebbe bennen deser voirg. tijt Item mijn genedige lieve here geeft mij jairlix voir mijnen ampt to verwaeren ende van des huijsgehaldtz wegen ter Horst 100 rijns gulden Item soe geeft mij mijn genedige lieve here jairlix van den gelde dat ick van sijnre genaden wegen geworven hebbe ende Arnt van Mersen gegeven ende uijter ampt geloest nae uijtwijsinge mijns amptzbrieffs 152 rijns gulden 17 stuver Item mijn genedige lieve here geefft mij oick jairlix van den scholtzampt to verwaeren 50 rijns gulden Item voir mijn rouwvoeder 10 rijns gulden Item tot mijnen perden jairlix 40 malder haveren, 't malder ad 7½ stuver, maickt 22 rijns gulden 10 stuver Item voir mijnen brant 9 rijns gulden Item den poerter voir sijnen kost ende loen 21 rijns gulden Item den moelner voir sijnen kost ende loen 11 rijns gulden Item die wijntmoelen all nije gesteijlt, dairtoe gehadt tot mijns genedigen heren deel 40 ellen groff lijnen doicks, die elle ad 1½ vlems, maickt 2 rijns gulden 3 stuver Item voir lijnen tot den zeijlen gegeven 2½ stuver Item voir mijspelboemenholt totten kammen ende steven op den moelenen gegeven 15 stuver Item voir 2 rutssell schinen gegeven 5 stuver Item voir eijn lassch aen der roeden van der wijntmoelen gegeven 4½ stuver Item vier grever hebben aen der archen gegraven 2 daghe, hadden ellick 's daichs aen cost 2 stuver, maickt 16 stuver Item voir heckscheiden gegeven 4 stuver Summa lateris vz 380 rijns gulden ende 17 stuver

	[Blad 5 rugzijde] Uijtgeven aen kost ende provanden als mijn genedige lieve here ter Horst is geweest Item des manendaichs nae Pinxtdach quamen mijns heren gnaden ter Horst mijt omtrent 100 perden, verdede dair nae uijtwijsinge des koekenboix 10 rijns gulden 4½ stuver Item des saterdaichs op Sent Andriesavont quam mijn lieve genedige here ter Horst, bleijff dair bis des saterdaichs daer en bijnnen (in de marge staat:) vacat Item des saterdaichs op Sente Andriesavont quam mijn lieve genedige here mijt ommetrent 24 perden van den Grave ter Horst, bleijff dair bis des manendaichs dairnae ende reet doe voirt tot Gelre, daer en bynnen in allen ampten nae inhalt des koekenboix verdaen 14 rijns gulden 2 oirtken stuvers Item des dinxdaichs nae Sente Luciendaghe quam mijn lieve genedige here van Gelre ter Horst mijt omtrent 22 perden, bleijff dair bis des saterdaichs, daer en bijnnen in allen ampten nae inhalt des koekenboix verdaen 16 rijns gulden 17 stuver 3 oirtken Item des sonnendaichs nae Derthiendach quam mijn lieve genedige here ter Horst, bleijff dair bis saterdaichs, dair en bijnnen in allen ampten nae inhalt des koekenboix verdaen 35 rijns gulden 4½ stuver Item des dinxdaichs nae Sente Pouwelsdach Conversio quam mijn lieve genedige here van den Grave ter Horst mijt omtrent 15 perden, bleijff dair 8 nacht ende reet weder to Graeff, daer en bijnnen in allen ampten nae inhalt des koekenboix verdaen 28 rijns gulden Item des dinxdaichs nae den sonnendaghe Reminiscere quam mijn lieve genedige here mijt omtrent 13 perden van Goch ter Horst ende bleijff dair bis des manendaichs na den sonnendaghe Oculi, reet doe voirt tot Gelre, die tijt is 6 nacht, dair en bijnnen in allen ampten nae inhalt des koekenboix verdaen 28 rijns gulden 19 stuver 1 oirtken Summa lateris 132 rijns gulden ende 6½ stuver.

	[Blad 6 voorzijde] Uijtgeven aen teringen als ick van wegen mijns genedigen lieven heren gereden ben geweest Item soe ist to weten dat ick in mijnre lester rekeninge nijet gereckent en hebbe dat ick van wegen mijns lieven genedigen heren gereden ben geweest van Kerssmisse tot Onser Liever Vrouwendach Annunciatio gelijck hijrnae beschreven volgt Item des guensdaichs na Sente Agnetendaghe reet ick to Graeff na des coeninx raet van Franckrijck ende van Schottlant myt 3 perden, bleyff dair by oen 4 nacht, reet voirt mijt den selven ridder na mijns heren gnaden t'Arnhem, bleijff dair 3 nacht ende vandair tot Nijmegen, dair woirt ick gequijt. Soe rekenen ick mijns heren gnaden 7 nacht, maickt 7 rijns gulden 17½ stuver Item des dinxdaichs op Sente Gregoriusavont reet ick van beveel mijns gnedigen heren mijt mijnen genedigen heren to Graeff mijt 3 peerden, bleijff dair 7 nacht, maickt 7 rijns gulden 17½ stuver Item des dinxdaichs na Sente Gregoriusdaghe sand mij mijn gnedige here tot Kessell mijt Jan van Gelre, Johan van Egmont ende voirt ander ruter omme die van Ruremunde oir dueken over to veligen, was eijne nacht ter Horst, daervan en rekenen ick nijet, dan ick dede den ruteren 3½ malder haveren, costen 2 rijns gulden 5 stuver Item ten selven mael reet ick voirt mijtt ruteren tot Maesheese mijt 5 perden 1 nacht, verdede 1 rijns gulden 10 stuver Item des donresdaichs na Sente Gertrudendach quam ick weder tot Graeff na mijns heren gnaden mijt 3 perden, bleijff aldair 4 nacht ende des sonnendaichs op Halffasten sand mij mijn genedige here voirt to Nijmegen, bleijff dair 1 nacht mijt 3 perden ende reet voirt t'Arnhem, bleijff dair bis op den Palmdach, die tijt maickt tsamen 13 nacht vz? 14 rijns gulden 12½ stuver Item doe sand mij mijn genedige here weder tot Nijmegen op den Palmdach, bleijff dair 2 nacht mijt 3 perden, maickt 2 rijns gulden 6 stuver Item 's dinxdaichs nae Palmdach reet ick van Nijmegen to Graeff na mijnen genedigen heren, bleijff dair bis des sondaichs nae Belaken Paeschen, die tijt maickt 19 nacht mijt 3 perden, maickt 21 rijns gulden 7½ stuver Item des sondaichs na Belaken Paeschen reet ick ter Horst ende in der selven nacht sand mij mijns heren gnaden eenen bade dat ick terstont weder tot Graeff queem. Reet aldair, was dair 2 nacht mijt 3 perden, maickt 2 rijns gulden 5 stuver Summa lateris vz 60 rijns gulden

	[Blad 6 rugzijde] ~~Uijtgeven aen kost ende provande als mijn~~ ~~genedige lieve here ter Horst is geweest~~ ( in de marge staat:) vacat Item op den Meijavont sand mij mijn genedige here weder ter Horst ommedat die ruter weder tot Venlo gekoemen waeren, was dair 3 nacht, dairvan en rekene ick nijet ende des sonnendaichs nae des Heilgen Cruijsdach reet ick weder tot Grave tot mijnen genedigen heren, bleijff dair bis des dinxdaichs na Sent Servaesdach, die tijt is 9 nacht mijt 3 perden, maickt 10 rijns gulden 2½ stuver Item des sonnendaichs nae Sent Servaesdagh reet ick weder van der Horst tot Graeff tot mijnen genedigen heren mijtten ruter uut Franckrijck, was dair 2 nacht mijt 3 perden, maickt 2 rijns gulden 5 stuver Item soe ick mijtten selven ruter van beveel mijns genedigen lieven heren voirt in Franckrijck na den coeninck reet ende langhe uijtbliven moist, verdede ick meer dan mij mijns heren gnaden tot teergelde mijtgegeven ende nagesant haddn 60 croenen, maickt 73½ gulden Item des guensdaichs na Onser Lieven Vrouwendaghe Assumptionis reet ick van der Horst tot Graeff na mijnen genedigen heren mijtter antwordt uut Franckrijck, was 2 nacht to Graeff, reet voirt t'Arnhem na mijnen genedigen heren, was tosaemen uut 5 nacht mijt 3 perden, maickt 5 rijns gulden 12½ stuver Item des manendaichs na Sent Johansdach Decollatio was ick gereden tot Arnhem tot mijns heren gnaden van mijns genedigen heren sunderlingen beveel, was uut 5 nacht mijt 3 perden, maickt 5 rijns gulden 12½ stuver Item per litteram domini saterdaichs op Sent Matheusavont reet ick na mijns heren gnaden mijtten burgermeijster van Ludick, was uut 7 nacht mijt 3 perden, maickt 7 rijns gulden 17½ stuver Item des donresdaichs doe men den coeninck van Schottlant begaen solde reet ick van der Horst t'Arnhem tot mijnen genedigen heren, bleijff tot Nijmegen omme sunderlinger saken wille, was uut 4 nacht mijt 3 perden, maickt 4½ rijns gulden Item per litteram domini 's donredaichs na Sent Sijmon Judendach reet ick tot Graeff tot mijns heren gnaden doe des coeninx heralt van Franckrijck dair was, bleijff dair 4 nacht, maickt 4½ rijns gulden Item per litteram domini 's manendaichs na Sent Andriesdach reet ick mijt mijnen genedigen heren van der Horst tot Gelre mijt 3 perden, bleijff dair bis des dinxdaichs na Sente Lucien dach, die tijt is 15 nacht, maickt 16 rijns gulden 17½ stuver Iten van beveel mijns genedigen heren op den Kerssavont reet ick tot Graeff tot mijns heren gnaden mijt 3 perden, bleijff dair bis des sonnendaichs nae Derthiendach, die tijt is 18 daghe, maickt 20 rijns gulden 5 stuver Summa lateris 151 rijns gulden ende 2½ stuver

	[Blad 7 voorzijde] Item des saterdaichs dairnae reet ick mijt mijnen genedigen heren van der Horst tot Grave mijt 3 perden, bleijff dair bis des dinxdaichs nae Sente Pouwelsdach, die tijt is 10 nacht, maickt 11 rijns gulden 5 stuver Item per litteram domini 's guensdaichs nae Sent Valentijnsdach reet ick tot Graeff tot mijnen genedigen heren ende voirt tot Goch mijt 3 perden, bleijff dair bis des dinxdaichs nae den sonnendaghe Reminiscere, reet doe voirt mijt mijnen genedigen heren ter Horst, die tijt is 19 nacht, maickt 21 rijns gulden 7½ stuver Item des manendaichs nae den sonnendaghe Oculi reet ick mijt mijns heren gnaden to Gelre mijt 3 perden, bleijff dair wes des vrijdaichs, die tijt is 4 daghe, maickt 4½ rijns gulden Item des manendaichs nae den sonnendaghe Letare reet ick van der Horst tot Grave tot mijnen genedigen heren omme der wille van Venle, was uut eijn nacht, maickt 1 rijns gulden 2½ stuver Uytgeven ain badeloin Item op Sente Lambertzdach sand ick eenen bade vanwegen mijns heren gnaden van Kessell tot Wassenberch, datum 2 stuver 1 oirtken Item des sondaichs nae Sente Dionijsdach sande ick eenen bade van Gelre tot Oirdingen, datum 3 stuver Item des sonnendaichs na Sente Lenartzdach sande ick eenen bade tot Grave tot mijnen genedigen heren, datum 5 stuver Item des sonnendaichs na Sente Mertijnsdach noch eenen bade van der Horst tot Graeff gesant tot mijns heren gnaden, datum 5 stuver Item des donredaichs nae Sente Elijsabetendach noch eenen bade van der Horst tot Graeff gesant tot mijns heren gnaden, datum 5 stuver Item des saterdaichs op Sente Ceciliendach sande ick eenen knecht mijt eenen perde van der Horst tot Grave tot mijns heren gnaden, was uut 2 nacht, datum 10 stuver Item des maendaichs op Sente Katherinenavont sande ick noch eenen bade van der Horst tot Graeff tot mijnen genedigen heren, datum 5 stuver Summa lateris 40 rijns gulden ende 1 oirtken stuvers

	[Blad 7 rugzijde] Uytgeven van alreleije anderen saken Item ick hebb van Nolte van Kueringen gegeven voir 1 pert daer ick vanwegen mijns genedigen heren burghe voir was betailt 70 rijns gulden Item per litteram domini Johannes Gobelinus knecht was tot eenen perde gegeven 25 rijns gulden Item soe hebb ick vanwegen mijns genedigen heren to Zutphen 2 perden verleijst, die ick weder loeste voir 26 rijns gulden Summa lateris vz 121 rijns gulden

	[Blad 8 voorzijde] Uijtgeven van tijmmeringen Item twee tijmmerlude hebben getijmmert 40 daghe, maickt mijns genedigen heren deel 20 daghe, eijn nije stakett in dat voirboirgt, eijn nije waickhuijss gemaickt, hebn die oeverste valbrugge nye gemaickt, eijn nije brugge aent vonderen ende die poert eijndeils toe gemaickt, den sulre op der koeken verdreven, aen der archen gestopt ende ander cleijn werck gemaickt hebbn, hadden ellicks daichs to loen 2 stuver ende aen cost 2 stuver, maickt 8 rijns gulden (later in de marge bijgevoegd:) pro parte domini Item die watermoelen nije geklotst ende gesaelt, dat grontwerck aen der archen op gebrocken ende gemaickt eijn nije bedde onder den steen, eijn nije cuijp ende eijn nije moelenraet, hebbe ick t'samen verdingt to maken voir 11 rijns gulden, den gulden ad 19 stuver, maickt mijns genedigen heren deel 5 rijns gulden 4½ stuver Item twee holtsnieders hebn holt gesneden tot deser tijmmeringen 10 daghe, maickt mijns genedigen heren deel 5 daghe, hadn ellick 's daichs to loen 2 stuver ende aen kost 2 stuver, maickt 2 rijns gulden Item eijn stroedecker heefft gedeckt 10 daghe, maickt mijns genedigen heren deel 5 daghe op der rossmoelen ende watermoelen ende dat waikhuijss nije gedeckt, op den stallen ende schueren gestopt, hadn 's daichs to loen 2 stuver ende aen kost 2 stuver, maickt 1 rijns gulden Item sijn opperknecht hadd 's daichs to loen 1 stuver ende aen cost 2 stuver, maickt 15 stuver Item hijrtoe gehadt 22 vijmmen schoeve, maickt mijns heren deel 11 vijmmen, die vijmme ad 5 stuver, maickt 2 rijns gulden 15 stuver Item hijrtoe gehadt 150 latten voir 2 rijns gulden 5 stuver, maickt mijns genedigen heren deel 1 rijns gulden 2½ stuver Item noch voir 100 staeken gegeven 10 stuver, maickt mijns genedigen heren deel 5 stuver Summa lateris vz 21 rijns gulden ende 2 stuver

	[Blad 8 rugzijde] Uijtgeven van ijserenwerck Item tot ten moelenen gehadt 7 verdel spijkernagel, 8 billen gesteelt ende 4 mynre billen, costen tsamen 25 vlems, maickt mijns genedigen heren deel 7 stuver 3 oirtken Item totter bruggen gehadt 200 spijkernegell, 2 verdell lassnegell, 5 verdell spondnegell, 2 bande gelengt, 5 nije bande, die peelen gesteelt ende 1 nije clam, cost tsamen 25 vlems, maickt mijns genedigen heren deel 8 stuver 3 oirtken Item eenen bant omme die busse, in der watermoelen 2 bande, die spille gelengt ende gesteelt ende dat rutsell gebonden, cost tsamen 48 vlems, maickt mijns genedigen heren deel 16 stuver 3½ oirtken Item tot der rossmoelen 4 gehenghe, eenen halve maen, eenen doirhaeck, 100 (ende) ½ vierdell groeter lassnegell, 201 vierdel spijkernegell, cost tsamen 40 vlems, maickt mijns genedigen heren deel 14 stuver 1 oirtken Item eenen bolt in die rossmoelen, 1 gort, dat rutsell gebonden, 6 vierdell spondnagell, 900 lattnagell, cost tsamen 30 vlems, maickt mijns genedigen heren deel 10 stuver 3 oirtken Item die schakelen in die treckhamen in die rossmoelen, 9 veirdel spijckernegell ende totter vloirarck 5 vierdel spijkernagel ende totter moelenarch nije vermaickt, gehadt 600 dobbell lassnegell, costen tsamen 2 rijns gulden 26 vlems, maickt mijns genedigen heren deel 1 rijns gulden 8 stuver 3 oirtken Item totter watermoelen 200 spondnagell, 100 staecknagel ende totten stakaet omme den voirborgt 500 groeter lassnagel, costen tsamen 2 rijns gulden 12 vlems, maickt mijns genedigen heren deel 1 rijns gulden 4 stuver 3 oirtken Item die spille op der wijntmoelen versteelt 300 hecknagel, 1 vierdel stocknagel ende 3 anckers dair 't speck aen hengt, cost tsamen 24 vlems, maickt mijns genedigen heren deel 9½ stuver Item een aenricht in die coeken, eijn taefelgehenghe ende die stijper, cost 4½ stuver Item 16 ijseren pijnne op den valderen, 700 staecknagel, 50 spijkernagel, ½ vierdel lassnagel totter nijer porten ende tot den sulre boeven der koeken 200 sulrenagel ende aen 't backhuijs 1 vierdell groeter lassnagel, cost tsamen 42 vlems, maickt mijns genedigen heren deel 15 stuver Item totten verkensschott ende koestall 100 spijckernagell, 2½ vierdell spondnagel ende 2 gehenghe, 2 eijmer op der oeverster brugge gebonden, cost tsamen 12 vlems, maickt mijns genedigen heren deel 4 stuver 1 oirtken Summa lateris 12 rijns gulden 5 stuver ende ½ oirtken

	[Blad 9 voorzijde] Item 2 muijrer hebn die rinckmuijr omme 't huijs all nye ondervaeren, hebbe dairover gemuijrt 24 daghe, maickt mijns genedigen heren deel 12 daghe, hadden ellick 's daichs to loen 2½ stuver ende aen kost 2 stuver, maickt 5 rijns gulden 8 stuver Item oir opperknecht 's daichs to loen 5 oirtken ende aen cost 2 stuver, maickt 1 rijns gulden 19 stuver Item hijrtoe gehadt 300 mergelsteijns ad 3 clinckert, 1000 tiegelsteijns ad 1 rijns gulden, maickt mijns genedigen heren deel 1 rijns gulden 12½ stuver Item die ander steijn die dairtoe verdaen sijn die sijn van Derickx huse van Blitterswick coemen, soe en rekene ick dair nijet aff Item hijrtoe gehadt 3 mudde calx ad 4 clinckert, maickt mijns genedigen heren deel 1 gulden 10 stuver Summa lateris vz 10 rijns gulden 10½ stuver Summa summarum van allen uijtgeven voirs. beloupt tsamen 924 rijns gulden 2 stuver 3½ ortken stuvers

	[Blad 9 rugzijde]