HISTORISCHE WERKGROEP LAND VAN K

*[ Door op de foto te klikken krijgt u een vergroting ]*

	[Blad 1 voorzijde] Kessel anno etc. (14)60

	[Blad 2 voorzijde] Dit is rekeninge ende bewisinge mijns Dericks van der Horst, amptman ts'lants van Kessel ende ter Horst, van allen upboren ende uitgeven dat ick vanwegen mijns lieven genedigen heren van Gelre ende van Gulick ende greve van Sutphen upge boirt ende uitgegeven heb aengaende op Ons Liever Vrouwendach Annuntiatio in den jaeren Ons Heren 1459 ende uitgaende op Ons Liever Vrouwendach Annuntiatio in den jaeren van (14)60, dese tijt is een jaer Prima van den renthen van der Horst Item aldaer van der joffrouwen van Meerlaer van oeren guede tot Oesterick, daer sij in woent, van pacht geboirt vijff vaet rogghen Item van Eijgemans kijnderen van oeren guede tot Wevoirt geboirt 3 malder 3 vaet rogghen Item van Jacob Messen guede achter der kercken geleghen geboirt 1 malder rogghen Item van der nijer teenden geboirt 7 malder 3 vaet rogghen Item van den molenen geboirt 63 malder roggen Summa 75 malder vyff vaet roggen, 't malder gerekent voir 6 vaet Item des roggen gheet aff aen Goedert van Vloedorp berduer sticker die hij jaerlicks uit den molenen geldende heefft 6 malder rogghen Item den vijer ordenen van d'alder gewoenten opten molenen gegeven 4 vaet rogghen Item als dese 6 malder ende 4 vaet rogghen van der voirg. sommen affgaen, soe blijfft des roggen noch 69 malder 1 vaet roggen Summa per se

	[Blad 2 rugzijde] Item des roggen heb ick doin vercoepen 26 malder ende heb voir ellick malder geboirt 17 stuver, maect 22 rijns gulden 2 stuver, den gulden ad 20 stuver ende soe voirt dese rekeninge uit Item des roggen heb ick noch doin vercoepen 20 malder, ellick malder voir 1 rijns gulden 2 stuver, maect 22 rijns gulden Item soe blijfft des roggen noch 23 malder ende 1 vaet, den heb ick doin vercoepen 't malder voir 1 rijns gulden 4 stuver, maect 27 rijns gulden 16 stuver Item van den molener geboirt 18 malder malts, 't malder ad 15 stuver, maect 13 rijns gulden 10 stuver Item van den molener geboirt 8 malder boeckweits, 't malder ad 12 stuver, maect 4 rijns gulden 16 stuver Item van pacht geboirt 1 malder vijff vaet evenen ende tot Oirle van weijevene geboirt 3 malder 2 vaet, te samen vijff malder 1 vaet evenen, 't malder ad 9 stuver, maect 2 rijns gulden 6 stuver 2 ortken Item soe is te weten dat die olijmoelen ende volmoelen ontdeckt is geweest ende bleef daerumme stille staen, daervan geboirt 11 stuver Item van enen ponde vlass geboirt 1 stuver Item van tijnse geboirt 21 rijns gulden, des gheet aff die mijns heren genaeden den gasthuse gegeven hebben 6 alde botdreger, soe blivet 20 rijns gulden 13 stuver 1 1/2 ortken Item van der assijsen geboirt 8 rijns gulden Item geboirt 52½ capoen, 't stuck ad 1 stuver, maect 2 rijns gulden 12 stuver 2 ortken Item geboirt 42 hoenre ende tot Swolgen 12 weijhoenre, tsamen 54 hoenre, 't stuck ad ½ stuver, maect 1 rijns gulden 7 stuver Item van Johan Willems in de Schadickervelde van gewijnne geboirt 17 stuver 2 ortken Item van Willem van der Beeck van gewijnne geboirt 1 rijns gulden 15 stuver Item van Heijnken van der Velden van gewijnne geboirt 7 stuver 2 ortken Summa 128 rijns gulden 15 stuver 1½ ortken

	[Blad 3 voorzijde] Upboeren in den lande van Kessell Primo Kessel ende Helden Item van Tijs Welters van gewijnne geboirt 8 rijns gulden Iten van Tijs Dericks soin van gewijnne geboirt 1 rijns gulden 4 stuver Item van Goedert Mereell van gewijnne geboirt 13 stuver 2 ortken Iten noch van den selven Goedert van gewijnne geboirt 9 rijns gulden Iten van enen man van Roggell van gewijnne geboirt 4 rijns gulden Item van Peter van Brienen van componeringen by raet der scepen geboirt 20 rijns gulden Item van Henrick van der Hese van erfftalen geboirt 5 marck vz 1 rijns gulden 2 stuver 3 ortken Item van Derick van Triecht van erfftalen 5 marck vz 1 rijns gulden 2 stuver 3 ortken Item Jenken van Cleijn Maris van erfftalen 5 marck vz 1 rijns gulden 2 stuver 3 ortken Item Willem Bitter van erfftalen 5 marck vz 1 rijns gulden 2 stuver 3 ortken Item Jan Hermans van gevecht 5 marck vz 1 rijns gulden 2 stuver 3 ortken Item Goedert van Holtmoelen van erfftalen twije 5 marck vz 2 rijns gulden 5 stuver 2 ortken Item Martijn Borchcamp van erfftalen 5 marck vz 1 rijns gulden 2 stuver 3 ortken Item van enen gastgedinge geboirt 5 marck vz 1 rijns gulden 2 stuver 3 ortken Item Goedertgen van Stockt van erfftalen twije 5 marck vz 2 rijns gulden 5 stuver 2 ortken Summa 55 rijns gulden 7 stuver 3 ortken Baerle Item van Peter Wolters soin van erfftalen geboirt 5 marck vz 1 rijns gulden 2 stuver 3 ortken Item van Naelken Jenken Wijnen suster van gewijnne geboirt 3 rijns gulden Summa 4 rijns gulden 2 stuver 3 ortken

	[Blad 3 rugzijde] Brede Item van Brants guede van Brede geboirt 7 cluij wollen, ellick cluij ad 2 comans rijns gulden, maect 13 rijns gulden 2½ ortken Item geboirt 4 malder rogghen, vercocht voir 4 rijns gulden 4 stuver Item op Brants have geboirt 13½ malder roggen, 't malder ad 1 rijns gulden 1 stuver, maect 14 rijns gulden 3 stuver 2 ortken Item geboirt 5 malder boeckweits, 't malder ad 12 stuver, maect 3 rijns gulden Item 3 malder gersten, 't malder ad 15 stuver, maect 2 rijns gulden 5 stuver Item van Jacob Rutten soin ende van Gobbel aen den Dudbroick geboirt twije 5 marck vz 2 rijns gulden 5 stuver 2 ortken Item van her Kerstgen van Raede geboirt 5 marck vz 1 rijns gulden 2 stuver 3 ortken Item Willem Westerinck van erfftalen twije 5 marck vz 2 rijns gulden 5 stuver 2 ortken Item Heijn Kass van erfftalen twye 5 marck vz 2 rijns gulden 5 stuver 2 ortken Item van nijen tijnse geboirt 13 stuver 3 ortken Item van der nijer teenden geboirt 1½ malder roggen, vercocht voir 1 rijns gulden 11 stuver Item van Gerit Dusinck van gewijnne geboirt 9 stuver Item van Tengnagels huisvrouwen van gewijnne geboirt 15 rijns gulden Item van Jenken Sijben van componeringen bij raet der scepenen geboirt 3 rijns gulden Summa 65 rijns gulden 6 stuver ½ ortken

	[Blad 4 voorzijde] Blederick Item op Brants van Brede twee haeffken tot Kuckucraey geboirt 17 malder 4 vaet rogghen, 't malder ad 1 rijns gulden, maect 17 rijns gulden 13 stuver 1 ortken Item 6 malder boeckweits, 't malder ad 12 stuver maect 3 rijns gulden 12 stuver Item van faceellholt geboirt 18 rijns gulden Item van Brants pacht ende tijnse geboirt 6 rijns gulden 8 stuver Item van Mertijn mijtter Hoicken ende van Lenart Wellens van erfftalen geboirt twije 5 marck vz 2 rijns gulden 5 stuver 2 ortken Item van Willemken Duvels ende van Heijnen Poet van erfftalen geboirt twije 5 marck vz 2 rijns gulden 5 stuver 2 ortken Item Roesken van erfftalen 5 marck vz 1 rijns gulden 2 stuver 3 ortken Item die nije teende is deels gebrant, daervan geboirt 4½ vaet roggen, vercocht voir 16 stuver Summa 52 rijns gulden 3 stuver Sevenhem Item van Herman Salen van gewijnne geboirt 18 stuver Item van Goedert van der Heiden van gewijnne geboirt 17 stuver 2 ortken Item van Henrick Segers soin van gewijnne geboirt 1 rijns gulden 3 stuver Item van nijen tijnse geboirt 1 rijns gulden Iten van Jenken Stijnen van Soemerman ende coman Jan van erfftalen geboirt 5 marck vz 2 rijns gulden 5 stuver 2 ortken Item Joris die voirspreeck van erfftalen twije 5 marck vz 2 rijns gulden 5 stuver 2 ortken Item van Lenart Cortgoeswijns soin van erfftalen geboirt 5 marck vz 1 rijns gulden 2 stuver 3 ortken Summa 9 rijns gulden 12 stuver 1 ortken

	[Blad 4 rugzijde] Swolgen Item van Sijbrecht den Roever van erfftalen geboirt twije 5 marck vz 2 rijns gulden 5 stuver 2 ortken Item van Jan van der Berendonck van peijndingen geboirt 1 rijns gulden 2 stuver Item van Derick Lijntgens van peijndingen geboirt 2 rijns gulden 15 stuver Item van Tijs van der Haetendonck van peindingen geboirt 3 rijns gulden 17 stuver Item tot Vorst van nijen tijnse geboirt van 3 jaeren 5 stuver 2 ortken Summa 10 rijns gulden 5 stuver Lotthem Item van der abdissen reijnten van Nuijss geboirt 10 stuver Item van Cortjacob van erfftalen geboirt 5 marck vz 1 rijns gulden 2 stuver 3 ortken Summa 1 rijns gulden 12 stuver 3 ortken Wanssem nijet geboirt Raede Item van Ghijsken van der Gaet geboirt 5 marck 1 vz rijns gulden 2 stuver Item van Claes Hermans geboirt 5 marck vz 1 rijns gulden 2 stuver Iten van Marten Truijen 5 marck vz 1 rijns gulden 2 stuver Item Johan die Leew 5 marck vz 1 rijns gulden 2 stuver Item Peter van Loebick 5 marck vz 1 rijns gulden 2 stuver Summa 5 rijns gulden 10 stuver

	[Blad 5 voorzijde] Upboeren van dingtalen Item tot Lotthem van dingtalen geboirt 40 rijns gulden Item van Henrick Schencken haeve geboirt 6 rijns gulden Item van enen haeve tot Brede geboirt 4 rijns gulden Item tot Sevenhem van der joffrouw haeve van Blitterswijck geboirt 4 rijns gulden Item tot Sevenhem van Tijs her Walravens haeve geboirt 5 rijns gulden 10 stuver Item tot Blederick van Grieten Scoetelkens haeve geboirt 4 rijns gulden Item tot Swolgen van enen cleijnen haeffken geboirt 3 rijns gulden Item alsoe als die kost mijtten ruijteren ter Horst lanck waert, bat ick den dorpen in den lande van Kessell deels mij daerinne te hulpen te willen comen, soe gaeven mij die van Brede 12 rijns gulden Item die van Baerle 7 rijns gulden Item die van Blederick 10 rijns gulden Item die van Wanssem 10 rijns gulden Summa 105 rijns gulden 10 stuver Item soe hebben mij die dorpen oick deels provande gegeven die mijtten ruters verdaen is, soe en reken ick der nijet to gelde gelijck nae beschreven steet Item die van Helden hebben mij gedaen 35 malder haveren Item die van Brede 10 rijnder ende 40 malder haveren Item die van Baerle 7 schaep Item die van Blederick 32 malder haveren Item die van Swolgen 18 schaep Item die van Broickhuservorst 12 schaep

	[Blad 5 rugzijde] Item soe is te weten dat ick in mijnen lesten twe rekeningen, als ick van mijns genedigen heren wegen gereden was, onverhoedt gerekent heb die mij gevoedert was ummetrent 18 malder haveren, 't malder ad 7½ stuver, maect 6 rijns gulden 15 stuver Summa per se Summa summarum van alle mijnen upboeren voirs. compt tesamen op 445 rijns gulden

	[Blad 6 voorzijde] Dit is uitgeven mijns Dericks van der Horst, amptman etc. dat ick van weghen mijns lieven genedigen heren van Gelre ende van Gulick etc. uitgegeven heb bynnen deser voirg. tijt Item mijn genedige here gheefft mij jaerlicks van mijnen ampt te verwaeren ende van des huisgehalts weghen ter Horst 100 rijns gulden Item soe gheefft mij mijn genedige here jaerlicks van den gelde dat ick van sijne genaede wegen geworven heb ende Art van Meerssen gegeven ende uiter den ampt geloest heb nae uitwisinge mijns amptbrieffs 159 rijns gulden 10 stuver ½ krompstert Item mijn genedige here gheefft mij oick jaerlicks van den scholtet ampt te verwaeren 50 rijns gulden Item voir mijn ruvoeder jaerlicks 10 rijns gulden Item tot mijnen peerden jaerlicks 60 malder haever, 't malder ad 7½ stuver, maect 22 rijns gulden 10 stuver Item voir mijnen brant 8 rijns gulden Item den poirter voir sinen kost ende loen 21 rijns gulden Item den molner voir sinen kost ende loen 11 rijns gulden (in de marge staat achter bovenstaande posten:) gehalt Item totter wintmoelen gehadt 23 ellen grouffs lijnen duecks, die elle ad 1 stuver 1 ortken, maect 1 rijns gulden 8 stuver 3 ortken Item voir lijnen totten seijlen gegeven 3 stuver Item voir mijspelboemenholt totten kammen ende staven opten molenen gegeven 12 stuver Item voir heckscheijen gegeven 3 stuver Item den hoijmeijeren voir kost ende loen gegeven 1 rijns gulden 8 stuver Item vijer graver hebben aen den archen gegraeven twe dage, die hebben den kost mijtten ruteren opten huse gehadt, soe en rekene ick daer nijet aff (in de marge staat achter bovenstaande posten:) moelenen Summa 385 gulden 14 stuver 3½ ortken

	[Blad 6 rugzijde] Uitgeven an kost ter Horst mijtten ruteren gedaen Item doe mijns genedigen joncheren van Gelre vriende yerst tot Venle quemen dede ick tot Nijmmegen halen 3½ vat botteren, ellick vat ad 7½ rijns gulden, maect mijns genedigen heren deell 13 rijns gulden 2 stuver 2 ortken Item 3 waegen kantarts, die waege ad 2 rijns gulden 15 stuver, maect mijns genedigen heren deell 4 rijns gulden 2 stuver 2 ortken Item 8 tall schollen, ellick tall voir 12½ stuver, maect mijns genedigen heren deell 2 rijns gulden 10 stuver Item hyervan te vrachten gegeven 3 rijns gulden, maect mijns genedigen heren deell 1 rijns gulden 10 stuver Item ick dede ten Bosch halen droegen visch voir 6 rijns gulden, maect mijns genedigen heren deell 3 rijns gulden Item 600 pont speck, 't hondert ad 3 rijns gulden, maect mijns genedigen heren deell 9 rijns gulden Item 3½ malder salts, 't malder ad 1 rijns gulden 4 stuver, maect mijns genedigen heren deell 2 rijns gulden 2 stuver Item hiervan te vrachten tot mijns genedigen heren deell gegeven 1 rijns gulden Item den gesellen ter Horst affgecocht 2½ vat botteren, ellick vat ad 7 rijns gulden, maect mijns genedigen heren deell 8 rijns gulden 15 stuver Item soe men ter Horst nijet gemalen en konde, dede ick tot Raede coepen 21 vat bijers dat to Nijmmegen gehaelt was, ellick vat ad 23 vleems, maect mijns genedigen heren deell 8 rijns gulden 12 stuver 2 ortken Item noch tot Casterloe gecocht 14 vat bijers, 't fat ad 22 vleems, maect mijns genedigen heren deell 5 rijns gulden 10 stuver Item noch ter Horst gecocht dat daer gebrouwen was 13 vat bijers, 't fat ad 1 postulaets gulden, maect mijns genedigen heren deell 4 rijns gulden 6 stuver 3 ortken Item gecocht 40 malder haveren malts, 't malder ad 1 postulaets gulden, maect mijns genedigen heren deell 13 rijns gulden 6 stuver 3 ortken Item gecocht 29 malder gertens malts, 't malder ad 17 stuver, maect mijns genedigen heren deell 12 rijns gulden 6 stuver 2 ortken Item hier onder desen malt gebrouwen 7 malder weijts, 't malder ad 1 rijns gulden 7 stuver, maect mijns genedigen heren deell 4 rijns gulden 14 stuver 2 ortken Item die ruteren laegen ter Horst 16 weken lanck, verdeden ter weken 2½ malder roggen, maect 40 malder roggen, des is comen uiter den kersspell van Oerle te dingtalen 38 malder, soe gebreken daeraff 2 malder roggen, 't malder ad 17 stuver, maect mijns genedigen heren deell 17 stuver Summa 94 rijns gulden 16 stuver

	[Blad 7 voorzijde] Uitgeven aen soldijen ende anderen onraet Item Holterman ende Conraet die Roeij quaemen van Straelen ter Horst mijt sich dertienste, hadden geweest in mijns genedigen heren soldije 6 weken ende waeren ter Horst oick 6 weken, tesamen 12 weken, gaff elken van hon te 4 weken te soldije 2 postulaets gulden, maect 78 postulaets gulden, die 3 gerekent voir 2 rijns gulden, maect 52 rijns gulden, hiervan geboirt mij te betalen den vierden penninck, soe beloept mijns genedigen heren deell 34 rijns gulden 13 stuver 1 ortken Item Willem Mesmeker ende Reyner Krechtinck quaemen oick ter selver tijt ter Horst mijt sich sester, hadden oick in mijns genedigen heren soldije geweest 6 weken, waren ter Horst oick sess weken, tesamen 3 maenden, gaff elken ter maent te solde 2 postulaets gulden, maect 36 postulaets gulden, facit 24 rijns gulden, der geboirt mij te betalen 6 rijns gulden, soe compt mijns genedigen heren deell op 18 rijns gulden Item Roesken ende Ackerstaff quaemen doe oick ter Horst mijt sich achste, hadden 6 weken in mijns genedigen heren soldijen geweest, gaff elken te solde 3 postulaets gulden, maect 24 postulaets gulden, facit 16 rijns gulden Item dese 8 laegen 6 weken opter wintmoelen, gaff elken bijnnen dijer tijt te solde 3 rijns gulden, tesamen 24 rijns gulden, maect mijns genedigen heren deell 12 rijns gulden Item soe compt dese soldije tesamen op 80 rijns gulden 13 stuver 1 ortken, hijertegen heb ick van mijns heren genaeden geboirt 40 rijder gulden, maecken 35 rijns gulden, als dese affgetogen sijn soe blijfft die soldije staen op 45 rijns gulden 13 stuver 1 ortken Summa per se 45 rijns gulden 13 stuver 1 ortken Item gecocht twe tonnen pijle voir 15 rijns gulden, maect mijns genedighen heren deell 7 rijns gulden 10 stuver Item voir salpeter, swevel ende groff donrecruijt daer men knijpcruijt aff maecte, gegeven 10 rijns gulden, maect mijns genedigen heren deell 5 rijns gulden Item den bussenmeister die dit cruijt maecte gegeven 1 rijns gulden, maect mijns genedigen heren deell 10 stuver Item Ackerstaff ende Herman Velden ellick 1 armborst gelevert, gaff hon daer voir 4 rijns gulden, maect mijns genedigen heren deell 2 rijns gulden Item Lange Herman 1 armborst gelevert dat hij behielde voir 1 rijns gulden, gaff hem toe 1 rijns gulden, maect mijns genedigen heren deell 10 stuver Item Luger van Monster wairt 1 armborst mijt sinen getuge in Brabant genomen, gaff hem daervoir 3 rijder gulden, maect mijns genedigen heren deell 1 rijns gulden 6 stuver 2½ ortken Summa 16 rijns gulden 16 stuver 2½ ortken

	[Blad 7 rugzijde] Uitgeven an kost ende provande die mijn genedige here mijt sinen huisgesinne ter Horst verdaen heefft Item des vrijdages nae Belaecken Paeschen quaem mijn genedige here van den Grave ter Horst, bleeff daer wes des maenendages daernae, daer en bijnnen in allen ampten nae inhalt des coeckenbuecks verdaen 20 rijns gulden 5 stuver 1½ ortken Item des donresdages nae Meydach quaem mijn genedige here ter Horst mijt ummetrent 23 peerden, bleeff daer wes des maenendages nae Pinxtdach, die tijt maect 11 nacht, daer en bijnnen in allen ampten nae inhalt des coeckenbuecks verdaen 51 rijns gulden 9 stuver, des heefft Henrick van Langell betaelt 31 rijns gulden 6½ stuver, soo gebreect mij daervan dat ick uitgegeven heb 20 rijns gulden 3 stuver 2 ortken Item des goensdages nae des Heiligen Sacramentsdach quaem mijn genedige heren van Ruermunde ter Horst mijt ummetrent 33 peerden, verdede in allen ampten nae inhalt des coeckenbuecks 20 rijns gulden 13 stuver, des heefft Henrick van Langell betaelt 11 rijns gulden, soe gebreect mij daervan dat ick uitgegeven heb 9 rijns gulden 13 stuver Summa 50 rijns gulden 1 stuver 3½ ortken Uitgeven aen baedeloen Item des donresdages op Ons Heren Hemelvaertsdach sande ick enen baede van der Horst tot Rurmunde nae mijns genaden, datum 3 stuver 2 ortken Item des selven dages enen baede gesant tot Wijnant van Eijck umme Johan Peters wille den Henrick van Blitterswijck gevangen had, datum 2 stuver Item des saetersdages daernae van beveell mijns genedigen heren noch enen baede tot Sandbeeck gesant umme desselven gevangen will, datum 3 stuver Item des saetersdages nae Sunte Urbaensdach sande ick enen baede van der Horst t'Arnhem tot mijns heren genaeden, bleeff daer liggen 4 dagen wachte nae synre antwerden, datum 13 stuver 2 ortken Item des saetersdages na Alreheiligendach enen baede gesant tot Cleve umme den scarprichter, datum 4 stuver Item des vrijdages nae Sunte Martijnsdach sande ick enen baede van der Horst t'Arnhem tot mijnen genedigen heren, bleeff daer 3 dage wachte nae sijnre antwert, datum 12 stuver Item des saetersdages daernae noch enen baede gesant tot Cleve umme den scharprechter, datum 4 stuver Item des sonnendages op Sunter Claesavont sande ick enen baede tot Arnhem nae mijns heren genaeden umme der wille van Raede, datum 9 stuver Summa 2 rijns gulden 12 stuver

	[Blad 8 voorzijde] Item op Sunte Lenartsdach quam die scharprichter ter Horst, bleef daer vijff nacht mijt enen perde, daer en bijnnen verdaen 1 rijns gulden 5 stuver Item op Sunte Elijsabettenavont quam die scharprichter weder ter Horst, bleeff daer noch vijff nacht mijt enen perde, verdede 1 rijns gulden 5 stuver Item hem to desen twe reijsen te loen gegeven 3 rijns gulden Item een knecht van Helden geheiten Colij quam ter Horst gevanghen des vrijdages nae Sunte Severijnsdach, dat daer in den stock 6 weken twe dage verdede, 's dages aen kost 2 stuver, maect 4 rijns gulden 8 stuver Item Derick Noell van Brede sat ter Horst in den stock 14 dage, verdede 's dages an kost 2 stuver, maect 1 rijns gulden 8 stuver Item ick hebbe twe perde ter Borch in die leiste gesant die beide verleist worden, ellick peert ad 28 rijns gulden, maect 56 rijns gulden Item soe heb ick gedingt to Kessel umme gewijn ende gewerff tegen Peter van Brijenen, dat die scepenen tot Ruermunde aen oir hoefft wesen, verloes die hoefftvaert ende die kost soe tot Ruermunde ende tot Kessell, beliep tesamen 14 rijns gulden Item ick heb gedingt tot Raede teghen Willem Bijerman die uiter Marten Truijen huse sijns lijffs geweist waert mijt gespannen armborste ende want hij der claechten affginghe voir den gericht, soe verloes ick die hoefftvaert tot Ruermunde, die kost beliep 9 rijns gulden Summa 90 rijns gulden 6 stuver

	[Blad 8 rugzijde] Uitgeven aen teringen als ick van wegen mijns genedigen heren gereden ben geweest Iten per litteram domini op ten Belaecken Paeschavont was ick gereden to Grave tot mijns heren genaeden, was uit vijff nacht mijt 3 perden, verdede aen ruvoeder ende teringen tsamen 4 rijns gulden 17 stuver 2 ortken Item des dinsdages nae den sonnendagh Misericordia Domini reet ick mijt mijnen genedigen heren tot Ruermunde mijt 3 perden, bleef daer wes des maenen dages op Meijavont, die tijt is 20 nacht, soe en waert ick nijet gevoedert noch gequijt, verdede 's dages 1 rijns gulden, maect 20 rijns gulden Item des donresdages nae den Heiligen Pinxtdach was ick gereden tot Ruermunde tot mijns heren genaeden mijt 3 perden, bleeff daer wes des goensdages nae des Heiligen Sacramentsdach, die tijt is 13 nacht, soe en waert ick nyet gevoedert noch gequijt, verdede 's dages 1 rijns gulden, maect 13 rijns gulden Item per litteram domini des sonnendages nae Sunte Vitusdach was ick gereden tot Gelre mijt 4 perden tot Gerit van Bernsvelt ende meer mijns genedigen heren vrienden doe tot Gelre vergadert, bleeff daer twe nacht, verdede 3 rijns gulden Item per litteram domini des dinsdages nae Onser Liever Vrouwendach Visitatio was ick gereden tot Gelre mijt 3 perden, bleeff daer 3 nacht, verdede 3 rijns gulden 7 stuver 2 ortken Item per litteram domini des vrijdages op Sunte Margaretendach reet ick tot Gelre ende voirt tot Monfort mijt mijns heren genaeden mijt 3 perden, bleeff uit wes des vrijdages nae Sunte Petersdach ad Vincula, die tijt is 22 nacht, verdede 's dages 1 rijns gulden, maect 22 rijns gulden Item des saetersdages nae Onsser Liever Vrouwendach Assumptio reet ick nae mijns heren genaeden tot Ruermunde mijt 4 perden, bleeff daer 16 nacht, verdede 16 rijns gulden Item des donresdages nae Onser Liever Vrouwendach Nativitatis reet ick tot Ruermunde, nam mijt mij Sweder van Diepenbroick ende Frederick van Baer, hadden tesamen 15 perde, wachden 3 dagen nae mijnen joncher van Sombren ende brachten hem mijt aver, verdeden 15 rijns gulden Summa 107 rijns gulden 5 stuver

	[Blad 9 voorzijde] Item per litteram domini des donresdages na Sunte Severijnsdach reet ick tot Goch nae mijns heren genaeden mijt 8 perden, was uit 1 nacht, verdede 2 rijns gulden 12 stuver 2 ortken Item des dinsdages op Sunte Lenartsdach reet ick to Straelen tot mijnen genedigen heren van Egmont mijt 9 perden, was uit een nacht, verdede 3 rijns gulden 7 stuver 2 ortken Iten per litteram domini des donresdaches op Sunte Thomaesavont reet ick to Grave tot mijns heren genaeden mijt 3 perden, bleeff daer wes des goensdages op Sunte Anthonisavont, die tijt is 27 nacht, verdede des nachts 1½ clinckart, maect 30 rijns gulden 7 stuver 2 ortken. Des gheet aff dat ick gevoedert waert 12 dage, maecken 8 malder haeveren ende 1 scepel, 't malder ad ½ clinckart vz 3 rijns gulden 3 stuver 3 ortken, soe blijfft mij mijn genedige here daervan sculdich 27 rijns gulden 3 stuver 3 ortken Summa 33 rijns gulden 3 stuver 3 ortken

	[Blad 9 rugzijde] Uitgeven aen tijmmeringen Item drije tijmmerlude hebben getijmmert 12 dage: een poirt baeven die averste brugge vermaect, hebben die bolwercken umme dat huis ende voirborcht ende oick umme die wintmoelen gemaect, hebben nije reijffen ende kribben in der schuren ende stellen gemaect, aen der archen gestopt ende ander cleijn werck gemaect hebben, hadden ellick 's dages te loen 2 stuver, maect 3 rijns gulden 12 stuver Item twe holtsnider hebben holt gesneden 8 dage, hadden ellick 's dages te loen 2 stuver, maect 1 rijns gulden 12 stuver Item een stroedecker heeft gedect 8 dage, die watermoelen ende olijmoelen ontdect ende mijt schoeven weder averlacht, op ter schuren ende stallen gestopt, had 's dages te loen 2 stuver, maect 16 stuver Item een operknecht die den decker operde had 's dages te loen 1 stuver, maect 8 stuver Item hijrtoe gehadt 8 vijmmen schoeven, die vijmme ad 5 stuver, maect 2 rijns gulden Item hijrtoe gehadt een voerdel latten, costen 7 stuver Item een leijendecker heeft 3 dage op ten huse gestopt, had 's dages te loen 2½ stuver, maect 7 stuver 2 ortken Item sijn operknecht had 's dages te loen 1 stuver 1 ortken, maect 3 stuver 3 ortken Item hijrtoe verdaen aen leijen ende nagelen 14 stuver Item dese wercklude hadde den cost mijtten ruteren, soe ende rekene ick daer nijet aff Summa 10 ryns gulden 1 ortken stuvers

	[Blad 10 voorzijde] Uitgeven aen ijserenwerck Item twe bande umme die roede van den wintmoelen, die spille ende spoir gesteelt, cost 6 stuver, maect mijns genedigen heren deell 3 stuver Item twe gehenghe mijt enen avervalle totten doeren van der stakaet umme die wintmoelen ende 10 ijseren cloete totten bussen, costen tsamen 16 stuver, maect mijns genedigen heren deell 8 stuver Item op ter bruggen twe bande, een clamme ende 100 lasnagell, costen 9 stuver, maect mijns genedigen heren deell 4 stuver 2 ortken Item tot drije hecken, drije paer gehenge ende totter averster poirten 203 veerdell doirnagell, costen 16 stuver, maect mijns genedigen heren deell 8 stuver Item een nije spille daer die averste poirt op gheet, woech 27 pont ende enen bant umme die poirt, woech 16 pont, cost tesamen 1 rijns gulden 11½ stuver, maect mijns genedigen heren deell 15 stuver 3 ortken Item een nije busse in een laey gebonden ende staeringen? totten anderen bussen, costen tesamen 18 stuver, maect mijns genedigen heren deell 9 stuver Item totter nederster poirten te plencken gehadt 200 doirnagell, costen 6 stuver, maect mijns genedigen heren deell 3 stuver Item noch gehadt 50 lasnagell, 100 spondnagell ende 500 staecknagell, costen 12 stuver, maect mijns genedigen heren deell 6 stuver Item totten doeren aen den stakaet totter wintmoelen gehadt 5 veerdell spijkernagell ende 100 lasnagell, costen 9½ stuver, maect mijns genedigen heren deell 4 stuver 3 ortken Item onder die coecken een tralije, woech 20 pont, cost 15 stuver Item die ruter hebben gehadt 52 hoeffijser ad 52 vleemsch, maecken 1 rijns gulden 19 stuver, maect mijns genedighen heren deell 19 stuver 2 ortken Item totten kast in der coecken die in der mueren gemaect is twe gehenge, een slot ende 2 sloetell, cost tsamen 6 stuver Summa 5 rijns gulden 2 stuver 2 ortken

	[Blad 10 rugzijde] Item dat slot voir die coecken affgebraecken ende vermaect ende twe sloetell daertoe, costen 3 stuver Item enen sloetell totter buttelrijen ende enen sloetell tot enen cluijster aen den achtersten stall ende een splinter vermaect, kost 2 stuver Item aen der beteren voirden stalle dat cluijster vermaect ende enen sloetell daertoe, cost 1 stuver 2 ortken Item noch tot drije cluijsteren 3 sloetell ende een splinter gemaect, kost 1 stuver 2 ortken Item een cluijster aen der averster bruggen vermaect ende enen sloetell totten groeten cluijster aen der nederster bruggen ende een groet cluijster voir die wintmoelen, cost 6 stuver, maect mijns genedigen heren deell 3 stuver Item dat groet slot aen der nederster poirten affgebraecken ende vermaect, cost 1½ stuver, maect mijns genedigen heren deell 3 ortken Item totten groeten cluijster dat op ten dijck hengt een sloep gemaect ende enen sloetell, cost 1½ stuver, maect mijns genedigen heren deell 3 ortken Item baeven die sadell enen sloetell gemaect tot enen slaet, dat affgebraecken ende weder aengeslagen, cost 1 stuver Summa 13 stuver 2 ortken

	[Blad 11 voorzijde] Item soe bleeff mij mijn lieve genedige here in mijnre lester rekeningen sculdich 969 rijns gulden 10 stuver 3 ortken 23½ kromstert Summa per se Summa summarum van alle mijnen uitgeven voirs. compt tosamen op 1751 rijns gulden 16 stuver 1½ ortken 23½ kromstert Up ende affgeslagen dat upboeren tegen dat uitgeven, soe beloept dat uitgeven meer dan dat upboeren 1306 rijns gulden 16 stuver 1½ ortken 23½ kromstert

	[Blad 11 rugzijde]