HISTORISCHE WERKGROEP LAND VAN K

[ Door op de foto te klikken krijgt u een vergroting ]

	[Blad 1 voorzijde] KESSEL (14)31 ad (14)32



	[Blad 2 voorzijde] Dit is rekenynge ende bewisinge mijns Johans van Broichusen heren tot Loe ind to Geysteren erffhoeffmeister etc. amptman tslants van Kessell ende ter Horst van allen upboeren ende uytgeven dat ic van wegen mijns lieven gnedigen heren van Gelre ende van Gulick ende Greven van Zutphen upgeboirt ende uytgegeven hebbe als van mijns ampts ende huysgehalts weghen ter Horst angaende des goensdages nae den sonnendagen Misericordia Domini in den jaeren Ons Heren dusent vierhondert een ende dertich wes op Sunte Margareten dage in den jaren Ons Heren dusent vierhondert twe ende dertich. Den tijt gerekent voir vijff veerdel jaers Primo van den reynten van der Horst Item aldaer van tijnse 29 gulden Item aldaer van der olymoelen 1 gulden 17 mewen Item aldaer van der gruyten. assysen ende ketell tsamen 12 gulden Item aldaer van enen ponde vlasch 6 mewen Summa 42 gulden 23 mewen, ylker gulden ad 14 crumpstert off ad 45½ mewe Ende alsoe voert dese rekenynghe all uyt, soe waer gulden gerekent ende geschreven staen ende waer mewen geschreven staen, der maect 3 ende een groet 1 crumpstert off 13 groet ad 1 crumpstert Upboeren van capoenen ind van hoenren Item van den schout capoenen ter Horst 52½ capoen Item van den schout hoenren ter Horst 42 hoenre Item tot Zwolgen van den weyhoenren 12 hoenre Summa 52½ capoen ind 54 hoenre

	[Blad 2 rugzijde] Ende hebbe ylken capoen gerekent ad 4 mewen ende ellick hoen ad 2 mewen. Valet 6 guldens 45 mewen Summa per se Upboeren van gewynne ende van hoeghen broecken Item van Luytken Verwer van gewynne 2 gulden 11 mewen Item van Jenken van den Becrom van gewynne 1½ gulden Item van Derick van den Wijden van gewynne 2 gulden Item van Jacop Cremer van gewynne 2 gulden 20 mewen Item van Reyner van Ynckevoirt van gewynne 4 gulden Item van Gherit Lemken Wevers soen van gewynne 4 gulden Item van Peter van den Berghen van ghewynne 5 gulden 25 mewen Item van Reyner van Ynckevoirt van ghewynne 8 gulden Item van Yutken van den Wijden van gewynne 2 gulden 33 mewen Item van Jenken Hagenssoen ende van Jacop van den Spoelhoff van yffenynghen van gevechte 5 gulden Item Lijsbet van Berckel myt onrecht op erve gedingt van enen broeck 31½ mewe Item Gherit Haghen myt onrechte teghen sijn pande gesacht van enen broeck 31½ mewe Item Copken Mechelen myt onrechte op erve ghedingt van enen broeck 31½ mewe Summa 39 gulden 24 mewen 1 groet

	[Blad 3 voorzijde] Upboeren an roggen Primo van pacht ter Horst Item van der joffrouwen van Meerlaer 5 vaet rogghen Item van Eygemanne 3½ malder roggen Item van den bade ampt 3 malder roggen Item van Jacop Messen 1 malder rogghen Item van den pacht tot Berchem 10 malder roggen Item van den moelenen ter Horst na beloep der tijt 108 malder 1½ vaet rogghen Summa 126 malder 3½ vaet Item is to weten dat ic van wegen mijns lieven gnedigen heren Johanne van Damme betaelt hebbe 6 malder roggen ende den graveren die ter Horst die graven umme den huyse ende vurborcht gegraven hebn 2 malder roggen. An broede ende als dese 8 malder vurs. van dese upboeren affgenomen sijn soe blijfft dat upboeren staen up 118 malder 3½ vaet Summa per se Item is to weten dat ic des rogghen ynden yersten vercocht hebbe 55 malder ende hebbe voir ellic malder geboirt 1 gulden 11 mewen, valet 68 gulden 13½ mewe Item 18 malder 3½ vaet, ylker malder ad 1 gulden 15 mewen Valet 84 gulden 24½ mewe Summa an gelde van roggen geboirt 152 gulden 38 mewen Upboeren van malt Item van den molenen ter Horst 30½ malder malts ende hebbe voir ylker malder geboirt 1 gulden, valet 30½ gulden Summa per se

	[Blad 3 rugzijde] Upboeren van evenen Primo van pacht ter Horst 1 malder 5 vaet Item tot Oerle van wey evenen 3½ malder tsamen 5 malder 2 vaet e nde hebbe voir ellick malder geboirt 25 mewen. Valet 2 gulden 42 mewen 1 groet Summa per se Upboeren yn den lande van Kessell In den yersten Kessell ende Helden Item van Gobbell van den Bueken van gewynne 3½ gulden Item van Willemken Sijmons soene van gewynne 3 gulden 13 mewen Item van Willemken Zillen van gewynne 2 gulden Item van Ynghell Bijereggen van gewynne 1 gulden Item van Peter Braeckmans van gewynne 7½ mewe Item Art Heyeman myt onrecht op erve gedingt van enen broeck 2 gulden 2½ mewe Item Heyns Coesdonck myt onrecht tegen sijn pande gesacht van enen broeck 2 gulden 2½ mewe Item van Gaedert van der Braeken van gevechte enen broeck 2 gulden 2½ mewe Item van Goesken Cledders zwaeger van gevechte enen broeck 2 gulden 2½ mewe Item van Art Schroeder ende van Heynen Wolffs van enen wilkoer geboirt van elken 4 gulden. valet 8 gulden Item van Derick den Veer van gevechte enen broeck 2 gulden 2½ mewe Item Phlipsken sbaden soen van gevechte enen broeck 2 gulden 2½ mewe Item Ynghell Braeckmans van gevechte enen broeck 2 gulden 2½ mewe Item Zybrecht van Kessell myt onrecht op erve gedingt enen broeck 2 gulden 2½ mewe Item Heyn Coesdonck myt onrechte op erve gedingt enen broeck 2 gulden 2½ mewe Item Heyn van der Heiden dat hij met onrecht gepant hadde enen broeck 2 gulden 2½ mewe Item Gaertken Arts van gevechte enen broeck 2 gulden 2½ mewe Item Aerken Gaerts van gevechte enen broeck 2 gulden 2½ mewe Item Nese van der Heyden myt onrecht op erve gedingt enen broeck 2 gulden 2½ mewe Item Mye van Raede myt onrecht tegen hoir pande gesacht enen broeck 2 gulden 2½ mewe Item van gevonden bijen 29 mewen Summa 47 gulden 16 mewen 1 groet

	[Blad 4 voorzijde] Baerle Item van nyen tijnse 9 groet Item van Hennys die aldaer doet whaert gesteken aver hem vonden an gelde 40 mewen Item Jacop Egbrechts soene van gevechte enen broeck 2 gulden 2½ mewe Item Ghijbe Momken van enen onrechte kommer enen broeck 2 gulden 2½ mewe Item Heijn Momken myt onrecht op erve gedingt enen broeck 2 gulden 2½ mewe Item van des knechts guede, die Hennys voirs. doet stoech 18 gulden Item van Jans Witten guede die aff gedaen waert 9 gulden Item van gevonden bijen 10 mewen Summa 34 gulden 14 mewen 1 groet Blederick Item aldaer van tijnse geboirt van twe jaeren 5 mewen Item Elyaes myt onrecht op erve gedingt enen broeck 2 gulden 2½ mewe Item die selve Elyaes myt onrechte teghen sijn pande gesacht enen broeck 2 gulden 2½ mewe Item Scompert van Venle myt onrechte op erve ghedingt enen broeck 2 gulden 2½ mewe Item die halffwynne yn den Teendehoff myt onrecht teghen sijn pande gesacht enen broeck 2 gulden 2½ mewe Item die selve halffwynne van enen wilkoir den hij brack 2 gulden Item Willem van Helden van gevecht enen broeck 2 gulden 2½ mewe Item een vrouwe aldaer van enen wilkoir den sij brack 8 gulden 15 mewen Item Hein Leynsen van enen wilkoir den hij brack 2 gulden 11 mewen Summa 22 gulden 43½ mewe

	[Blad 4 rugzijde] Brede Item aldaer van nyen tijnse 5 mewen 1 groet Item Peter Jacops bouman van der Heyden van gevecht enen broeck 2 gulden 2½ mewe Item Jacop sijn brueder van gevecht enen broeck 2 gulden 2½ mewe Item Willem Otkens myt onrecht op erve gedingt enen broeck 2 gulden 2½ mewe Item die coster van Brede van gevechte enen broeck 2 gulden 2½ mewe Item Otte van der Heze myt onrecht van hijlixsaken gedingt enen broeck 2 gulden 2½ mewe Item Gadert Hillen myt onrecht op erve gedingt twe broecken 4 gulden 5 mewen Item van gevonden bijen ½ gulden Summa 15 gulden Zevenhem Item aldaer van nyen tijnse 40 mewen Item Jacop van den Vorst myt onrecht tegen sijn pande gesacht enen broeck 2 gulden 2½ mewe Item Mette van der Porten van eenre muetsoenen die sij brack enen broeck 2 gulden 2½ mewe Item Goessen van der Porten van den selven saken enen broeck 2 gulden 2½ mewe Summa 7 gulden 2 mewen Swolgen Wanssem ende Lotthem Item Luytken Schroeder myt onrecht op erve gedingt enen broeck 2 gulden 2½ mewe Item die selve van eenre muetsoenen die hij brack enen broeck 2 gulden 2½ mewe Item Jan van der Hatert myt onrecht op erve gedingt enen broeck 2 gulden 2½ mewe Item Gherit van den Kerchoff van gevechte enen broeck 2 gulden 2½ mewe Item van gevonden bijen 19 mewen Item van der Abbatissen reynten van Neuss 30 mewen Summa 9 gulden 8½ mewe

	[Blad 5 voorzijde] Raede Primo die erffhuys ende gewynne gerekent der mewen 25 ad 1 gulden Item Thijs van Averdijck 21 mewen Item Jan Cremer 10 mewen Item Jan Hensselman 8 mewen Item Gerit Scheper 7 mewen Item Godde van Kessell 1 mewe Item Lemken Tymmerman 2 mewen Item Jacop van Averdijck 12 mewen Item Jan Ghijsen 10½ mewe Item Jannes Smysken 3½ mewe Item Goessen Scheper 4 mewen Item Ael Arts ½ mewe Item Jacop van Bruggen 1 mewe Item Jan van den Wynckell 1 mewe Item Jacop van den Poel 1½ mewe Item Jan van Casterloe 7½ mewe Item Jan Stynen soen 2 mewen Item Gobbell Heyn Vrijns soen 1½ mewe Item Peter Hen Ghijsen soen 2½ mewe Item Alart Hen Ghijsen soen 7½ mewe Item Hille Hen Ghijsen dochter ½ mewe Item heren Henrick 2 mewen Item Peter onder die Boeme 1½ mewe Item Goessen Kemerlinck 3½ mewe Item Goertken Coeman tot Loenen 1 mewe Item die baghinen 5 mewen Item Willemken Yernen 3½ mewe Item Henken van der Hypt 1½ mewe Item Hille van Nylant 4 mewen Item Cornelys van den Haen 3 mewen Item Peter van den Poel ½ mewe Item Art Boshuys 2 mewen Item Reynken yn ghen Eynde 8 mewen Item Gaert Poyter 4½ mewe Summa 5 gulden 19½ mewe

	[Blad 5 rugzijde] Item Mette van der Santvoirt 4 mewen Item Heyn Thijs Heldemans soen 1½ mewe Item Peter van den Brymhoevel 1 mewe Item Denys van den Hesevalderen 1½ mewe Item Pouwels Schomaker 2½ mewe Item Yken Scheyen ½ mewe Item Heynken Oymen 2 mewen Item Henrick die Harde 2 mewen Item Mechiel van den Sande 1 mewe Item Heynken van Dans 14 mewen Item Heyn Wolter ½ mewe Item Peter Lemmen ½ mewe Item Art Rutkens 13 mewen Item Herman van der Santvoirt 19 mewen Item Willem Stynen 1 mewe Item Jan van Schoer 15 mewen Item Peter die Vlemynck 3 mewen Item Jan Goessen Schepers soen 4 mewen Item Jannes Smysken 3½ mewe Item Derick van Aken 1½ mewe Item Jan van der Gaet ½ mewe Item Jan Schaey 1½ mewe Item Art van Schoer 1½ mewe Item heren Claes 8 mewen Item Jan Lueten ½ mewe Item Lysken van der Hoeven ½ mewe Item Jacop van den Haen ½ mewe Item Jacop van Eze 3 mewen Item Peter van den Hout 5 mewen Item Jan van den Haghe 4½ mewe Item Willem Cuper 6 mewen Item Rut Schomaker 2 mewen Item Jacop die Wever 1 mewe Item Thijs van den Valderen 1½ mewe Summa 5 gulden 2 mewen

	[Blad 6 voorzijde] Item Derick Jutten 3 mewen Item Gherit Smeets 2 mewen Item Derick Scheper 1½ mewe Item Jan van den Gaet 1 mewe Item Thijs Heyn Alen soens 1 mewe Item Art Rutkens ½ mewe Item Lijsbet Gruyters 1 mewe Item Willem Martens 1 mewe Item Werken van Houteze 1 mewe Item Jan van Kessell 25 mewen Item Thijs Wagemeker 1½ mewe Item Gherit Luwe 1 mewe Item Gherit Steynken 13 mewen Item Willem Yernen 1½ mewe Item Ynghell Jan Metten soen 1 mewe Item Aleyt Godden ½ mewe Item Dyebel Tymmerman 1 mewe Item Jan Willems soen van der Stappen ½ mewe Item Jan van den Poel 2 mewen Item Jenken Vrijns 1½ mewe Item Derick Honderts 4 mewen Item Thijs Heyn Alen soens soen 2 mewen Item Pouwels van den Dale 2 mewen Item Mette van den Heyster 1 mewe Item Heyn Welter 3 mewen Item Gaert Vrijns 1½ mewe Item heren Henrick baghinen paep 2½ mewe Item Jacop van der Heiden 1 mewe Item Dryes van den Boeme 2 mewen Item Jan van der Stappen 1 mewe Item Willem Henneken Neeskens soen 3 mewen Item Peter Ronghe 1 mewe Item Heynken Menssen ½ mewe Item Willem Schroeder ½ mewe Item Peter van den Poel 2 mewen Item Peter Ditkens van Aerssen 1 mewe Item Peter Lemkens 1 mewe Summa 3 gulden 14½ mewe

	[Blad 6 rugzijde] Item van den Schop 1½ mewe Item Derick van den Hesevalderen 3 mewen Item Jacop van Voirsell 2½ mewe Item Peter Nyweert 7 mewen Summa 14 mewen Upboeren van hoeghen broecken Item Jan van Schaer boven vondenys gesproeken enen broeck 1 gulden 25 mewen ½ groet Item van Derick van Hesevalderen die gesacht hadde hem were gelt aff gedreyget ende were gedwongen to verloeffenys des nyet uyt to brengen, dat men alsoe nyet en vant, van yffenyngen bij raede der schepenen vijfftich gulden Item Lyns Yrnen van yffenyngen van gevechte 4 gulden Summa 55 gulden 25 mewen ½ groet Item is to weten dat Zweder mijn brueder yn sijnre lester rekenyngen mijnen gnedigen heren schuldich bleeff nae uytwisinge der bueke die ic an mij genomen hebbe ende geboeren mij to verrichten 30 gulden Item ic hebbe voirt van bevele mijns lieven gnedigen heren van Ghijsbert van Mekeren geboirt 100 gulden Ende van Everart van Balveren, tolner to Boemell, 100 gulden die mij geboeren to verrichten Summa 230 gulden Dit is die alinge somme van allen mijnen upboeren voirs. yn gelde, loept tsamen up 711 gulden 36 mewen 3½ groet

	[Blad 7 voorzijde] Dit is uytgeven mijns Johans van Broichusen here tot Loe ende to Gheysteren erffhaef meister etc. amptman tslants van Kessell ende ter Horst dat ic van weghen mijnen lieven gnedigen heren van Gelre ende van Gulick etc. bynnen deser voirs. tijt uyt gegheven hebbe van allen uytgeven als hiernae geschreven staet Item ynden yersten doe mijn lieve gnedige here umme Leetberg? ende der Dickt trecken solde, hadde ic een deel ruteren ter Horst ind waeren aldaer 1 nacht yn den herberghen myt 10 peerden. Ende doe sij weder umme quaemen, waeren sij oick aldaer 1 nacht myt 12 peerden. Verteerden soe in den uytrijden soe in den wedercomen tsamen 7 gulden 15 mewen Item ter selver tijt Zybken bade gesant to den mairschalck hem to laeten weten, woe voel ruteren ic hedde. Hem gegeven 25 mewen Item ter selver tijt hadde ic myt yn den wagen: Item an broede 1½ gulden Item 1 zijde specks 1½ gulden Item 1 zalm 32 mewen Item 1 aeme wijns, hielt aver 5 veerdell 8 gulden Item 1 vaet hoppen 34 mewen Item doe men die koe umme Goestorp roeffde, den voetruteren to teergelde gegeven 1 gulden Item ter selver tijt Gadert geselle van Caster gegeven 17½ mewe Item den veren to Venle van den ruteren die tot Zevenhem laegen ende van den Kessellenderen doe sij tot Zuchtelen waeren, soe van den Kessellenderen doe men umme Leetb... ende der Dickt brande to veergelde gegeven 6 gulden 7½ mewe Item was ic gereden to den van Rijfferscheit to Wickraede, was 1 nacht uyt. Verteerde myt veergelde myt 5 peerden tsamen 2½ gulden Item op Sunte Panthaleons dach solde mijn gnedige here gereden voir Straelen, waeren die ritterschap des lants van Kessell to Broichusen stonden daer aff. Verteerden 1½ gulden Summa 31 gulden 40 mewen

	[Blad 7 rugzijde] Item ter selver tijt den veren to Broichusen, to Lotthem ende to Grebbenvorst, die dat volck voirt ende weder aver vuerden gegeven 1 gulden 37½ mewe Item op Ons Liever Vrouwen dage Assumptionis waeren mijns lieven gnedigen heren frunde tot Zevenhem den nacht als van daer voirt tot Erclentz to rijden. Hadden daer an cost (bedrag ontbreekt) Item an weyten ende roggen broede 2 gulden Item 1 rynt voir 6 gulden 11 mewen Item 2 hemell voir 2 gulden 12 mewen Item 20 hoenren voir 40 mewen Item 1 zijde specks 1½ gulden Item 1 zalm voir 35 mewen Item voir kese, botter ende keerssen 20 mewen Item 2 aemen wijns 7 veerdell voir 16 gulden 6 mewen Item 1 vaet keuts voir 1 gulden 15 mewen Item ter selver tijt van Venle gesant tot Erclentz 50 malder haveren, yllick malder ad 38 mewen 3 groet. Myt meetgelde, teringen ende anderen cost doe men die haver ontfinck 32½ mewe, valet 43 gulden 13½ mewe Item hadde mij mijn gnedige here doen schriven des neesten maendages nae des heiligen Cruysdach Exaltationis myt een deel ruteren ter Horst to comen. Ind quam aldaer, duerden daer wes des anderen dages, hadden an cost (bedrag ontbreekt) Item an weyten ende roggen broede 1 gulden 8 mewen Item an ryntvleysche 4 gulden Item ½ zijde specks voir 34 mewen Item 2 capoen 8 mewen Item 21 hoenren ad 2 mewen, valet 42 mewen Item 1½ aeme wijns 2 veerdell, die aeme 6 gulden 15 mewen, valet 9 gulden 42½ mewe Summa 93 gulden 28 mewen 3 groet

	[Blad 8 voorzijde] Item 1 vaet hoppen ad 34 mewen Item 8 malder haveren dat malder ad 37½ mewe. Valet 6 gulden 27 mewen Item an ruwen voeder soe op ten huys soe yn den dorp 1 gulden 15 mewen Item ter selver tijt tot Kessell to veergelde gegeven 1 gulden Item ter selver tijt was ic gereden to mijnen here van Cleve tot Cleve, was 1 nacht uyt myt 4 peerden. Verteerde myt der avervaert 2½ gulden Item op Sunte Mechielsdach, doe die voetruteren uyt den lande van Kessell myt Arnt van Dullenberg waeren tot Erclentz, hadden sij an cost myt avervaeren voirt ende weder soe an teergelde myt tsamen 5 gulden Item des anderen dages nae Sunte Mechielsdach waeren mijns gnedigen heren frunde tot Broichusen aver die Mase gevaeren myt 25 peerden ende woirden aldaer weyndich bleven des nachts. Aldaer myt 8 peerden hadden an cost ende an veergelde tsamen 3 gulden 18 mewen Item reden die anderen voirt ter Horst, bleven daer wes des anderen dages dat sij wat gheten hadden. Verteerden yn den herbergen myt 12 peerden 6 gulden 20 mewen Item ter selver tijt die ruteren van Gruesbeeck tot Venle yn Arnts huys van Lomme gequijt 4 gulden 27½ mewe Item ter selver tijt quam Johan van Buetberg Claes soen myt sinen ruteren ter Horst. Bleeff daer wes des anderen dages. Verteerde myt 7 peerden 3 gulden 5 mewen Item den ruteren van Batenborch ter Horst yn den dorp tot tween tijden gesant 3 malder haveren, ylker malder ad 34 mewen Valet 2 gulden 11 mewen Item des donresdages nae Sunt Dyonysdach, doe die voetruteren uyt den lande van Kessell tot Veerssen waren, den gedaen 2 vaet hoppen ad 1 gulden 32 mewen Item ter selver tijt umme provande tot Venle soe broet, botter, kese, stockvysch ende keut tsamen 12 1/2 gulden Summa 51 gulden 7½ mewe

	[Blad 8 rugzijde] Item op Sunte Gregoriusdach was ic gereden tot Ruermunde ind reet voirt des anderen dages myt heren Schelart to Keretzen? an den boem teghen mijns heren raet van Heynsberg, umme der gevangen wille to Broick. Was 2 nacht tot Ruermunde myt 6 peerden. Verteerde mytter avervaert tsamen 6 gulden 5 mewen Item op Sunte Benedictusdach was ic gereden to Monfort tot mijns heren raet van Heynsberg. Soe ynden herbergen daer die gesellen ontbeten myt veergelde tsamen 1 gulden 7½ mewe Item des sonnendages op Halffvasten was ic gereden an die stad van Ruermunde myt 7 peerden. To veergelde voirt ende weder gegeven ½ gulden Item ter selver tijt Leetgen bade gesant to Heynsberg. Hem to teergelde gegeven 16 mewen Item des dinxdages nae den sonnendagen Judica yn de vasten den stocker, die Jan den Witten richtet, gegeven 5 gulden 2½ mewe Item des sonnendages nae Sunte Philips ende Sunt Jacopsdach Zybken bade tot Heynsberg gesant. Hem gegeven 20 mewen Item des maendages daer nae was mijns gnedigen heren raet gereden tegen mijns heren raet van Heynsberg. To veergelde to Buggenem gegeven 20 mewen Item des donresdages nae Sunte Servaesdach was ic gereden tot Vlodorp tegen Goetscalck van Voirde ende was 2 nacht uyt myt 7 peerden. Verteerde mytter avervaert tsamen 10½ gulden Item des sonnendages Cantate was ic gereden tot mijnen gnedighen heren tot Arnhem, was aldaer den nacht yn der herberghen myt 7 peerden ende reet des anderen dages ten Rosendael ende liet daer 5 peerde staen. Reet weder umme tot Arnhem myt 2 peerde ende was daer 3 nacht. Verteerde myt avervaeren voirt ende weder tsamen 9½ gulden Summa 34 gulden 2 mewen 3 groet

	[Blad 9 voorzijde] Item ter selver tijt Zybken bade gesant to Heynsberg. Hem to teergelde gegeven 33 mewen Item op ten Pinxtavont Zybken bade gesant to Heynsberg. Hem to teergelde gegeven 32 mewen Item op ten Belaken Pinxtdach was ic van bevele mijns gnedigen heren umme sunden linger tijdingen wille tot Gelre ynne gereden. To veergelde gegeven 10 mewen Item ter selver tijt enen bade gesant umme ruteren to bidden. Den gegeven 13 mewen Item ter selver tijt Zybken bade gesant van Gelre tot Ruermunde ende weder ter Horst. Den gegeven 20 mewen Item des donresdages nae des heiligen Sacramentsdach Zybken bade gesant to Heynsberg. Den gegeven 28 mewen Item was ic gereden van mijns gnedigen heren wegen to Monfort heren Schelarts kynt to heffen ende gaf aldaer der ammen 2 gulden ende to veergelde voirt ende weder myt 8 peerden tsamen 15 mewen Item des maendages nae Ons Liever Vrouwen dach Visitationis was ic gereden tot mijnen gnedigen heren tot Arnhem ende was 3 nacht uyt myt 6 peerden. Verteerde mytter avervaert tsamen 8 gulden 20 mewen Item op Sunte Margaretenavont was ic gereden an die stad van Ruermunde umme saken wille als mijns heren gnaden dat wael weten, ende was aldaer 4 nacht to wachten nae een antwert van den saken die ic der stad anbracht hadde. Verteerde aldaer mytter avervaert myt 5 peerden tsamen 15 gulden 16 mewen Item Johan van Lieck gegeven 20 rijnsche gulden, maken 34 gulden 13 mewen Item Johan van Efferen een peert aff gedaen ad 60 Arnhemse gulden Item van den schepen to maken als mijns heren gnaden wael weten, soe an plancken, soe an ijseren werck, soe an der meister kost ende loen tsamen 45 gulden 2½ mewe Summa 168 gulden 20½ mewe

	[Blad 9 rugzijde] Item van mijns ampts ende huisgehalts wegen ter Horst nae beloep der tijt 362½ rijnsche gulden 20 alde tuyne Item van mijnen brant 16 gulden 30 mewen Item den porter voir sinen loen na beloep der tijt 8 gulden Item den molner voir sinen loen na beloep der tijt 8 gulden Item 23 ellen lynen duecks tot zeylen, yllick elle ad 4½ mewe, valet 2 gulden 12½ mewe Item voir lijnen tot den zeylen 1 gulden 12½ mewe Item van den huerketell to lappen 34 mewen Item Henric van Kryekenbeeck een swart peert myt enen corten stert verderfft, doe ick van mijns gnedigen heren weghen tot Herderwijc was Item die selve Henric een swart peert myt enen langen stert verderfft, doe mijn gnedige heren tot Erclents yn den veden lach Item Henrick van Merwijc een schymmelt peert myt enen langen stert verderfft, doe mijnen gnedigen heren frunde van Gelre ende van Collen up der Venbrugghen bij een waeren Item Johan van Hemmen een graw peert myt enen langen stert verderfft tot Erclentz yn mijns gnedigen heren veden Item Rutger Bueve? 1 bruyn peert met enen langhen stert verderfft, doe mijn gnedige heren reet van den Grave ten Rosendael des goensdages nae Sunte Valentijnsdach lest leden ende waert den marschalc gelevert Item Zybken bade een vael peert myt enen langen stert verderfft yn dienst mijns gnedigen heren Item Karle Spede 1 schymmelt peert myt enen langen stert verderfft, doe men die koe roeffden umme Breydenbaent Item Karle van Wyenhorst 1 zwart peert myt enen langen stert, dat to Grave die moert sloech Item Johan van Hemmen een graw peert myt enen corten stert verderfft ende waert den mairschalc to Grave gelevert Item mijn gnedige heren heefft my geschenct een peert van 100 clynckert Summa lateris 303 Arnhemse gulden 14 mewen ind 753 rynsche gulden 11 mewen

	[Blad 10 voorzijde] Uytgheven an bouwe ende tymmeringhen Item Ghijsken ende Dyebell tymmerlude 29 dage in den werck, die wyntmoelen deckden, die asch scheenden, die molenroede laschden, dat porthuys maeckden ende aen der olymoelen tymmerden, die overste valbrugge nye maeckden, die gelyntstaken umme dat vurborcht cloeffden ende maeckden ende aen anderen werck. Hadden ellic sdages to loen een yegelijc 7 mewe ende ylker an cost dis dages 5 mewen, valet 14 gulden 30 mewen Item an ijseren werck to den werck Item voir die schenen an die assch 36 mewen Item voir bande an die moelen roede to vermaken 6 mewen Item dat ruerijseren yn der olymoelen gelengt 4 mewen Item enen bant van 2 voeten an die stamper 2½ mewe Item enen bant van 2 voeten umme dat kamprat 2½ mewe Item an der averster valbruggen voir van de pelen to vermaken een nye panne, een clamp daer die ketten ynne loept, tsamen 1 gulden 5½ mewe Item voir gehenge an der doeren van den porthuyse 2½ mewe Item voir die ketten ende pleye ende 2 emer to bynden an den putte yn den vurborcht, tsamen 1½ gulden Item 6 groete naghell voir 2½ mewe Item 350 spikernaghell ad 10 mewen, valet 35 mewen Item ½ veerdell laschnagell 1½ mewe Item 100 staecknagell 5 mewen Item 200 hecknagell 10 mewen Item voir plancken die op ter moelen gedect sijn 1 gulden 7½ mewe Item Floerken ende Abelken tymmerlude 10 daghe yn den werck an den bachuse ende peertstall, een trappe ynden kelre ende ander werck. Hadden ylker dis dages to loen 6½ mewe ende ylker dis dages an cost 5 mewen, valet 5 gulden 2½ mewe Summa 25 gulden 39 mewen 1 groet

	[Blad 10 rugzijde] Item voir die ketten ende rolle op ter averster bruggen 2 emer gebonden enen bant, daert myt an die brugge gevest is, tsamen 4 gulden Item voir 2 emer 20 mewen Item voir 2 schalden an die koekendoer 7½ mewe Item voir 2 scheren and den stock ende nagell daer toe, tsamen 14 mewen Item voir 2 cluyster tot den bruggen ende voir een slot an der porten vermaect mytten sloetell tsamen 30 mewen Item voir 2 vynsterblader, een schalde ende enen hanthave an den vynster tsamen 5 mewen Item 550 staecknagell ind latnagell ad 5 mewen, valet 27½ mewe Item 200 spikernagell ad 10 mewen, valet 20 mewen Item 100 laschnagell 20 mewen Item twe meister die muerden myt enen operknape 4 daghe in den werck ende maeckden enen nyen aven ende op ten huyse stopden ende bynnen witden. Den meisteren ylker dis dages to loen 10 mewen ende die operknecht dis dages 6 mewen ende elker dis dages an cost 5 mewen, valet 3 gulden 27½ mewe Item voir 1 malder kalx to den werck 17½ mewe Item voir 50 latten 1 gulden 10 mewen Item 7 vymmen schoeve op dat porthuys gedect ende die porte baven myt gestopt. Ylker vymme ad 15 mewen, valet 2 gulden 14 mewen Item een decker 6 dage yn den werck die dat porthuys gedect ende op ter porterhuys? gestopt. Heefft dis dages to loen 7½ mewe ende ellicks dages an cost 5 mewen, valet 1 gulden 29½ mewe Item twe knechte die den decker operden, dat porthuys tuynden ende leymden 6 dage yn den werck. Hadden ylker dis dages to loen 6½ mewe ende ylker an cost dis dages 5 mewen, valet 3 gulden 1½ mewe Item 2 houtsnijder 2 dage in den werck, ylker dis dages to loen 5 mewen ende ylker dis dages an cost 5 mewen, valet 40 mewen Summa 20 gulden 11 mewen

	[Blad 11 voorzijde] Item twe leyendecker enen dach yn den werck, die op ten huyse stopden. Ylker dis dages to loen 11 mewen 1 groet ende elker dis dages an cost 5 mewen, valet 32½ mewe Item 2 knecht 2 dage yn den werck, die op ten huyse getuynt ende geleymt hebben. Ylker dis dages to loen 5 mewen ende ylker dis dages an cost 5 mewen, valet 40 mewen Item 8 manne enen dach yn den werck die an den archen groeven. Hadden elker an cost 5 mewen, valet 40 mewen Item den graveren, die umme den huyse ende vurborcht ter Horst die graven gegraven ende geveecht hebben, den cost gedaen Item 7½ vaet hoppen elker vaet ad 34 mewen, valet 5 gulden 27½ mewe Item ½ vaet botteren, hielt aver 8 pont voir 5 gulden 37 mewen Item ½ waege kesen voir 2 gulden 12 mewen Item den meister graver 6 dage yn den werck, elkers dages to loen 11 mewen 1 groet ende elkers dages an cost 5 mewen, valet 2 gulden 6½ mewe Item voir weertrijs daer dat vurborcht myt umme getuynt is 4 gulden Item enen man 10 dage yn den werck, die dat vurborcht umme tuynde. Hadde elkers dages to loen 6½ mewe ende elkers dages an cost 5 mewen, valet 2 gulden 24 mewen Summa 24 gulden 37½ mewe Similiter expositorum 753 arnhemse gulden 19 blamuyser 1 groet. Omnibus compensatis manet dominus dux debens Johanni de ista computatione 41 arnhemse gulden 29 blamuyser et 753 rynsche gulden 11 mewen Hec computatio audita est in Gravia in presentia domini ducis presentibus domino Johanne Schelart de Obbendorp milite magistro curtis, domino Michaele de Brede licentiato in legibus, Johanne de Boytbergh marscalco necnon Udone Talholt reddituario supremo et ceteris anno Domini 1433 feria secunda post dominicam Reminiscere

	[Blad 11 rugzijde]