Jacques Rutten;     Nr 24.     (RAL; Schepenbank Helden, inv. nr. 25, folio 52)

tekst in blauw geeft links aan naar onderliggende bladzijden


 
Testament van Trincken Verschaeren.  

Den XI september Anno 1636 soo is Trincken Verschaeren bevonden kranck van lichaem, beswaert synde mett die Gooeds gaeff, doch by goeder memoriën ende vollen verstande, bedinckende de swaeckicheyt des minselycken geslachs ende die seeckerheyt des doots, ende die onsekerheyt die uhure des selften, heeft der weegen haeren vuyttersten will ende testament gemaeckt in vuyegen ende mannieren als volght: In den eersten heeft heeft zy testatrice begeert soo wanneer haer syell ende lichaem gescheyden mucht zyn, bevielt haer syell Godtt Almachtich ende haer lichaem der gewydder erden tot Helden. Ende wyders tot haere tytelycke goederen koemende, om daer van thoe dispoeneren naer haeren eygen well gevallen, gelyck sy doet hy met ende in craft deses, ter presentiën van getuyghen Gerardt Schroirs ende Jan Brumments. Eerstelycken gyeft ende maeckt sy testatrice vuyt gronts haers hertten aen Gaertten Orbers op huys ende schuier ende vier morghen erffenisse met den Wytels baent die somma van soeven hondaert gulden. Des saell Gaert tot zynen last nyemen die halff scholt soo opt geheel erff staenden is. Nach heeft zy testatrice gegeven ende gemaeckt der H. kercken tot Helden vyffentwintich gulden ende den Ermmen vyffentwintich gulden opten Wytels baent Vs, well Vstaende dat Geert Vschaeren haere tocht aende Vs goederen saell besitten haeren leeffdaegh. Als dan saell den inhalt van deesen zynen vortganck gewinnen. Waer met sy testatrice concludeert ende Vclaert dit Vs haeren vuyttersten will ende testament toe syn, twelck sy begeert naer haeren doott geobserveert ende onderhalden thoe hebben. Ende tot confermatie van dese soo hebben getuyghen Vs desen inhalt van testament aen schepen Dirick Heesen ende Lenaert Smullers binnen behoerlycken tyt overgebracht. Ende hebben 'tzelften om haere onsse geboorlycke gerechticheyt opt spatium deses ter warer oirkundt met eygenaer hant opt spatium deses onderteyckent. Actum ut supra

Dierick Hesen
Lennert Smullers
WvKnippenbergh Vice-secretaris